غزل
ستا په یو غږ هم لښــــــــکرونه د دنیا رارسي
زما د چــــــــغو انګازې فقط تر ما رارســـــــي

زما د برکـــــــــــــــــــلي د شر نه یره هسې نه وه
زه پرې خبر وومــه چې تاو به یې تر ما رارسي

بس ته په دې خوشـــاله اوسه چې ته برخه لری
او زه په دې حالت خوشال چې ستا رضا رارسي

زما له مخې په خبر باندې عـــــــــمرونه واوړي
او ستا له غاړې ووتی ګفت لـــکه هوا رارسي

دغه لوګي زما د کـــــــــــور د تــــنورونو نه دي

دغو لوګو ته توغوندي له یوه بیـــــدیا رارسي

زمونږ پېغام د ژړاګــــــــانو په نــــــړۍ خوریږي
د نړیوالو هلې ځـــــلــې په خنــــــــــــــــدا رارسي

ماښامه مونږ به د خنــــــــــدا جشن ته ملې وتړو
که دا رښتیا وي چې رښتیا د چا مسکا رارسي

                ماښام خټک کراچۍ