هاغه ده ، لمبه د سره ګلاب خواته روانه ده
شېخه! بیا دې هېله د ثواب خواته روانه ده
دا کوچۍ موده وشوه په دې دښته کې تږې ده .
دا کوچۍ په هر ګام د سراب خواته روانه ده
اوس مو له څپو نه د کرم تمه پرې شوې ده
اوس خو مو بېړۍ د لوی ګرداب خواته روانه ده
دنګو ودانیو سکون ټول له خلکو ولوټه
ټوله زمانه د اضطراب خواته روانه ده
غرونه به سپېره ، چینې به وچې ، سیند به کاڼي وي
دا نړۍ د داسې انقلاب خوا ته روانه ده
دلته زندګي د ژمي یخ کنګل وهلې ده
دلته زندګي د یو عذاب خواته روانه ده
بیا ورکه د اند د لیونو سندرو پاڼو کې
اوښکه یې له سترګو د کتاب خواته روانه ده
۳جون ۲۰۰۸- پراګ
07.06.2008
- cheena
حالات ښه نه دي ، حالات لا له ژونده رنګ غواړي لا غنمرنګ غواړي او لا د تورو شرنګ غواړی
هغوی ډېر کم دي چې جونګړې جوړوي او درومي هغوي ډېر زیات دی چې ودان ښارونه ړنګ غواړي
خپلې بربڼدې میخانې پرې په امان کې ساتي سمندر پورې خلک زمونږه غرو کې جنګ غواړي
د ښار ښایسه دې نورې غټې سترګې نه توروي زورو شته له تورو سترګو نه کلنګ غواړي...
01.09.2008
- cheena
د روژې د مبارکې میاشتې د رارسیدو په مناسبت ، ټولو ته د زړه له تله مبارکي وایم . خدای (ج) دې وکړي چې دا مبارکه میاشت به زموږ پر ولس له خپلو ټولو رحمتونو او برکتونو سره رابره شي . په دې هېله چې ددې مياشتې په اوږدو کې به&n...
