ټول   BBC ازادي راډیو امریکا غږ ډیوه


دایي ایم ایف شرطونو پوره کولو لپاره پاکستان نوی وړوکی بجټ وړاندې کوي

مطبوعاتي رپورټونه وايي چې د پاکستان حکومت راتلونکي کال جنورۍ میاشت کې د نړیوالې مالياتي ادارې ايي ایم ایف له غوندې مخکې پارلیمان ته يو وړوکی يا مني بجټ وړاندې کوي چې پکې به  ايي ایم اېف سره د کړو شرطونو منظوري ورکړل کېږي.

26.11.2021 ډیوه

جرمني: د رسنيو لپاره د طالبانو تازه مقررات د بيان ازادي کمزورې کوي

د جرمني د بهرنيو چارو وزارت د طالبانو لخوا د افغانستان د رسنيو لپاره د تازه کړنلاري په اړه غبرګون ښودلى او ويلي دي چې دغه کار په دغه هيواد کې د بيان ازادي کمزورې کوي٠

26.11.2021 امریکا غږ

پاکستان کې دداعش فعالیتونو کې اضافه،پېښور کې دپولیسو د وژنې پړه یې هم قبوله کړې

داعش خراسان ډلې په پېښور حيات اباد کې  دچارشنبې په ورځ د وژل شوو دوؤ پوليسو د وژنې ذمه واري په غاړه اخستې ده،

26.11.2021 ډیوه

جنوبي وزيرستان احتجاج: انتظامي او عدالتي دفترې دې علاقې ته منتقل شي

په ټانک ضلع کې د جنوبي وزیرستان انتظامیه دفتر مخې ته د علاقې د سیاسي ګوندونو  مشرانو احتجاجي مظاهره کړې او غوښتنه یې کړې چې په سیمه کې د حکومتي واک پرځای کولو د دعوو وروسته دې د ضلعې ټول انتظامي دفترونه او عدالتي نظام بیرته خپلې ضلعې ته انتقال کړی شي.

26.11.2021 ډیوه

لاهور کې د جرنلسټ احمد نوراني د جرنلسټې ښځې په ګاډي حمله شوې

عنبرين فاطمه په خپل ګاډي کې د ماشومانو سره د کوره وتلې او چې کله کوڅې ته رسېدلې، نو څنګ ته د تنګې کوڅې نه څوک نامالومه تن راغلی او په هغې يې د بريد په نيت د ګاډي په مخکنۍ شيشه ګوزارونه کړي دي.

26.11.2021 ډیوه

سپريم کورټ کې د علي وزیر د ضمانت په خواست اورېدنه تر 29 نومبر پورې وځنډول شوه

د جنوبي وزیرستان نه د قومي اسمبلۍ غړي او د پښتون ژغورنې غورځنګ (پي ټي اېم) مخکښ علي وزیر وکیل وايي، د سيند صوبې د لوی څارنوال (پراسيکیویټر جنرل) د غېر موجودګۍ له امله د علي وزير د ضمانت په خواست اورېدنه تر 29 پورې وځنډول شوه.

26.11.2021 ډیوه

زده کوونکې شکېبا: غوښتل مې چې ښوونکې شم، ټولې هیلې مې هیلې پاتې شوې

د غزني د ښار اوسېدونکې شکېبا چې د جان ملکه په لېسه کې د یوولسم ټولګي زده کوونکې ده وايي، هیله یې درلوده چې له زده کړو سرته رسولو وروسته استاده شي او بیا خپلو زده کوونکو ته دیني زده کړې ورکړي، خو په وینا یې  له بده مرغه چې دغه هیلې یې هیلې پاتې شوې ځکه طالبانو یې پر مخ د زده کړو دروازې وتړلې.  شکېبا زیاتوي، که طالبان یو پرمختللی افغانستان غواړي نو په ټول هېواد کې دې د نجونو پر وړاندې ښوونځي پرانیزي چې هغوی زده کړې وکړي.  ازادي راډیو له اغلې شکېبا سره مرکه کړې او په سر کې یې ورڅخه پوښتلي، اوس چې زده کړې نه شي کولی، څه احساس لري؟.  بشپړه مرکه د لاندې لینک په کېکاږلو سره اورېدلی شئ:  

26.11.2021 ازادي راډیو

افغان شربت ګلې ته اټلي پناه ورکړې

د اټلي د وزیراعظم ماريو ډراګی دفتر ويلي، د افغانستان شربت ګلې ته يې پناه ورکړې ده، په کال1985 کې مشهورې جريدې نيشنل جيوګرافک کې د شربت بي بي عکس خپور شوى وو، په هاغه وخت کې شربت بي بي د پېښور سره نزدې د افغان کډوالو په يو کېمپ کې مېشته وه او عمر يې 12 کاله وو.

26.11.2021 ډیوه

افغانستان کې به ښځې کرکټ جاري ساتي

په افغانستان کې د طالبانو په واکمنۍ کې لوړ پوړو چارواکو باور ورکړی، چې په دغه هېواد کې به ښځې وکړی شي چې کرکټ جاري وساتي.

26.11.2021 ډیوه

مرکل: په اوکراین کې د کړکیچ زیاتیدو په صورت کې اروپایي ټولنه باید پر مسکو بندیزونو ته چمتو اوسي

د جرمني صدراعظمې انګلا مرکل د پنجشنبې په ورځ نومبر ۲۵(لیندۍ۴) وویل له پولنډ او بلاروس سره په پوله کې د اوکراین په ختیځ کې د وضعیت د خرابیدو په صورت کې، اروپا باید پر روسیې د ډیرو بندیزونو د لګولو لپاره چمتو ووسي.

26.11.2021 امریکا غږ

د روسیې په یوه کان کې د وژل شویو شمیر ۵۲ کسانو ته ورسید

د روسیې په سایبریا سیمه کې د پنجشنبې په ورځ نومبر ۲۵ (لیندۍ ۴) د ډبرو سکرو په یوه کان کې د غازو د خپریدو له امله د وژل شویو کسانو شمیر ۵۲ تنو ته زیات شوی دی.

26.11.2021 امریکا غږ

یونیسف تیرو درې میاشتو کې افغان ماشومانو ته۵۳۵۰ درسي ټولګي جوړ کړي

د ملګرو ملتونو د ماشومانو د ملاتړ صندوق یا (یونیسف) وايي، په تیر درې میاشتو کې یې په ټول افغانستان کې ماشومانو ته د زده کړې ۵۳۵۰ ټولګي برابر کړي دي.

26.11.2021 امریکا غږ

طالبان هڅه کوي د روسیې په مرسته په ملګرو ملتونو کې د افغانستان دایمي چوکۍ ترلاسه کړي

د طالبانو ډلې د پنجشنبې په ورځ نومبر ۲۵ (لیندۍ۴) له روسیې وغوښتل چې طالبانو ته په ملګرو ملتونو کې د افغانستان د چوکۍ په ورکولو کې مرسته وکړي.

26.11.2021 امریکا غږ

د کډوالو کيښتۍ ډوبه شوې چې 27 تنه پکې مړه دي

د پېښې په اړه په خپلو وړومبو بيانونو کې فرانسوي چارواکو ويلي وو امکان دی د 27 نه تر 31 پورې تنه په پېښه کې مړه وي خو ډارمنين وايي دا شمېر 27 دی

25.11.2021 ډیوه

م م پر ښځو د تاوتریخوالي پرضد کمپاین کوي خو په افغانستان او پاکستان کې زیات شوی

واشنګټن - ملګروملتونو د جنسیت پر بنسټ د تاوتریخوالي پرضد ۱۶ ورځنی کمپاین په داسې وخت کې پیل کړی چې په افغانستان او پاکستان کې دغه تاوتریخوالی زیات شوی خو په اکثرو وختونو کې نه رپوټ کېږي. د اسلام اباد د هایې کورټ وکیلې عاصمه بنګش له ډیوې سره په خبرو کې ویلي، په پاکستان کې په کور دننه له ښځو سره د روان تشدد په هکله رپورټنګ نه کېږي او د دې ګڼ اسباب دي. "د کورني تشدد د قوانینو په حقله ناپوهي، د قوانینو پېچیدګي، د کورني تشدد په مقدمو کې د سزاګانو نه ورکول او د خلکو او د ټولنې د خبرو د لاسه ښځې د کورني تشدد نه ځان بچ کولو په ځای ټول ژوند هم په دغه حالاتو کې تېر کړي، په کور دننه هم نېږدې خپل خپلوان له تشدد سره د مخ ښځو ملاتړ نه کوي، نو ځکه ښځې پولېسو ته د رپورټ دپاره نه ورځي." عاصمه بنګش زیاته کړه، د همدې اسبابو له امله د خپل حقونو په هکله لږه ډېره پوهه لرونکي ښځې د تشدد د پېښو رپورټ کولو پر ځای خلا یا طلاق دپاره کېس وکړي. او دهغې په مشاهده کې د ښځو لخوا د طلاق اخېستلو شمېر زیات شوي. خو د دی باوجود عاصمه وايي، چې ښځو ته د خپل ځان پرضد د تشدد په هکله ځان پوهه کول او د موجوده قوانینو نه ځان خبرول پکار دي چې د هر ډول تشدد په صورت کې د خپل ځانه په سمه لاره دفاع وکړی شي. تېره اونۍ د پاکستان پارلمان د جنسي تیري کونکو ته د سزا قانون هم پاس کړی وو چې پکې د بیا بیا جنسي تیري کونکو د شنډولو ماده هم راغلې وه چې بیا وروسته د پاکستان د اسلامي نظریاتي کونسل په غوښتنه ترې لېرې کړای شوې وه. د وي او اې د رپورټ ترمخه د دغو قضيو دپاره به ځانګړي عدالتونه جوړېږي چې د دغو قضيو په تېزۍ سره اورېدنه وشي او د جنسي تیريو او ځورونو اورېدنې په څلورو میاشتو کې فېصله شي. اخوا د افغانستان لپاره د ملګرو ملتونو دفتر یا یوناما ویلي، چې دې هېواد کې د ښځو د کارکولو پر حق او د تګ راتګ پر ازادیو د محدودیتونو له امله تاوتریخوالی زیات شوی دی. د یوناما لخوا په یو خپور شوي بیان کې راغلي، په داسې حال کې چې خدماتو ته اړتیا ډېره شوې، د تاوتریخوالي قربانیانو لپاره اړینو خدماتو ته لاس رسی خورا اغېزمن شوی دی. د یوناما په بیان کې افغانستان د ښځو پر وړاندې د تاوتریخوالي د لوړې کچې هېواد یاد شوی او په کې راغلي دي چې په هرو لسو افغان مېرمنو کې نهه يې د خپل نږدې شخص له خوا له تاوتریخوالي سره مخ شوي دي. په اعلامیه کې په افغانستان کې د ملګرو ملتونو د سرمنشي د ځانګړې استازې دیبرا الینز له خولې لیکل شوي: "د تاوتریخوالي مخه باید ونیول شي، موږ باید له دې ناڅرګندې وبا سره د مبارزې لپاره په ګډه کار وکړو او موږ باید هغه چلند بدل کړو چې د تاوتریخوالي ملاتړ کوي او د تاوتریخوالي قربانیان له شرمه غږ نه شي پورته کولی او همدارنګه هغو قربانیانو ته باید خدمات چمتو کړو چې د تاوتریخوالي قرباني شوي دي. " د ملګروملتونو د ښځو څانګې (UN Women) په خپلې وېب پاڼې باندې لیکلي چې دا ۱۶ ورځنی کمپاین د ښځو په وړاندې د تاوتریخوالي د ختمولو په موخه هر کال د نومبر په ۲۵ نېټه پیلېږي او د ډیسمبر تر لسمې نېټې دوام کوي. دغه کمپاین په ۱۹۹۱ کال کې د ښځو د نړیوالې رهبرۍ د انسټیټیوټ (وېمن ګلوبل لیډرشېپ انسټیټیوټ) له پرانیستې سره پیل او هر کال د ښځو د نړیوالو ادارو لخوا تنظیم کېږي. په کابل د طالبانو له قبضې وروسته د ښځو په وړاندې د جنسیت پرسر ډول توپیري چلند او د هغوی پر حقونو تیري کېږي. طالبانو تر اوسه هم له شپږم ټولګي څخه پورته جونو ته د زده کړو حق نه دی ورکړی او نه هم ښځې په دفترونو کې کار کولو ته پرېښودل کېږي چې له امله یې مېرمنو په پلازمېن کابل کې څو ځله د خپلو حقونو لپاره لاریونونه هم کړي. په ګرده نړۍ کې له دې کمپاین څخه خلک او ادارې د ښځو او جونو په وړاندې د تاوتریخوالي د مخنیوي په لاره کې د منظمې تګلارې په توګه کار اخلي. د مدنې ټولنې د دغه ابتکار په ملاتړ د ملګروملتونو د عمومي منشي د یونایټ کمپاین تر نامه لاندې په نړیوالو غږ شوی چې په دې برخه کې دې د عامه پوهاوي، او نورې اړونده هڅې زیاتې کړي. د یاد کمپاین لاندې د سږ کال شعار دی "د ښځو په وړاندې تاوتریخوالی همدا اوس پای ته ورسوئ."

25.11.2021 ډیوه

OK
This site uses cookies. By continuing to browse the site, you are agreeing to our use of cookies. Find out more