د زیړو ګلو باغ ته په ټوپو ټوپو ورځم
د زړه د باغچې ګل مې په منګولو کې راوړم
شمله به د ښکلاوو سر تر پایه شي رنګینه
ځولۍ ځولۍ رنګونه په ځونډیو کې ټومبم
د مینې په ثنا به د ښایست حرم کړم فتح
خوږه خوږه خولګۍ به د سرو شونډو ورلیږم
کمال مې را نیولی د بوډۍ د ټال له سیمې
له پورې وورې غرونو به مې غیږه تاووم
د هیلو ستر جانان ته مې زارۍ دي پرې لیکلې
زرغونه دروازه په لوړ افق کې دروم
کاروان د ښکلاګانو راته داسې ژمنه کړې
د وړانګو په منګولو کې به دا سمه او غر ږدم
د ژوند نغمې به اخلو د کوترو له تبراکه
د سولې ننواتې د ماشو ګوتو ته وړم

د سولې د نړیوالې ورځې په مناسبت