ديوانه ته ديوانه ورغاړې وځي
فرزانه ته فرزانه ورغاړې وځي
کيفيت به يې د زړه څه وي ملګرو
چې ډيوې ته پروانه ورغاړې وځي
په زړګي د مشاطې به څه تيريږي
چې ستا زلفو ته شانه ورغاړې وځي
هر سحر ګل لاله ته د چا اوښکې
د شبنم په بهانه ورغاړې وځي
طاهر کلاچوي
هسې خو مه وايه چې نور دې په کيسه کې نه يم
په خداى بيګا مې هم په اوښکو باندې ونمانځلې
څه وايې چې څنګه دې شپې تېرې کړې ؟
بې له تا ولاکه د ژوند خونده وي
عبدالرحيم هلال
نن خو به خود د کلي لوى واړه خبرې کوي
د لاس د سمال مې په لمن کې د لالي را پاتې
تپان
22.04.2009
- nazir
يوه كنده چې تازه ده كيندل شوې
او تر څنګ يې لاس تر شا كسان ولاړ دي
د چا سترګې په شملو د چا په بل څه
بس تړلي دي او هك حيران ولاړ دي
څوك د لارې لاروي څوك جنګيالي دي
خو اوس ټول د ملامت په شان ولاړ دي
بس يو څو ګامه د مرګ په شانې لرې
وسلوال دي، څو غوښن ځوانان ولاړ دي....
دادي اوس يې ورخطا كړل لاس تړلي
او له پاسه يې په سرو ګولیو ولي
تورې خاورې اضافه له كندې پاتې
او له مړيو شوې روانې دندې پاتې
#####...
27.04.2009
- nazir
زما تن د اينې ماتې ټوټې دي
زماتن كې روغ وجود نه كتل كيږي
او جوهر مې د هوس نوكانو وران كړ
هر يو مخ پكې پيكه، پيكه ښكاريږي
#######
نا پيژانده كسان راشي را نږدې شي
په شيبه كې مو تر منځ فاصله نه وي
كه د خوند وي كه بې خونده وي خو تېر شي
د شېبو د وصال هېڅ ادامه نه وي
#######
د هوس د لارې ستړي لاروي وي
راشي زلفو ځنې څنډ وهي ګردونه
ويښته سم كړي روغ او جوړ بېرته روان شي
شاته پريږدي په خنجر وهلي زړونه
#######...
