غزل

 

د عمل نوم دى د زندان نوم دى 

 دغه دنيا د امتحان نوم دى

ده يو چا نوم مې په زړګي كې اوسي

ماته له خپله ځانه ګران نوم دى

مينه د زړه د لېونتوب نوم دى

د دښتې نوم د بيابان نوم دى

چې د هرچا زړه ته تسل وركوي

هغه يواځې د قران نوم دى

بس چې د دوه و جنګول يې لګي

بيا نو هغه د پاكستان نوم دى

دا چې په ټول جهان كې لمر ځليږي

دا مې د ګران افغانستان نوم دى

توره مې نوم دى د سنت د جانان

او محمد مې د جانان نوم دى

چې د تاريخ په سپينه پاڼه ليك دى

همرازه دا خو د افغان نوم دى

مدثر همراز