د کينې غبار
ځم چې جوړه يې کړم بيا د زړه هينداره
رانه ماته د يو چا د زړه هينداره
کوم تصوير پکې د يار تبه اخيستې؟
نن مې بيا ده په درزا د زړه هينداره
که دې شپې رڼا کوې راسره مل شه
اوس مې ښه کاندې رڼا د زړه هينداره
دا سړى منم ډير ښکلى له څيرې نه
خو يې ډکه له ر يا د زړه هينداره
د لفظونو پس منظرمې لوند په اوښکو
ما مينځلې په ژړا د زړه هينداره
د کينې غبار رالوتى دې جلانه!
ترينه وساته صفا د زړه هينداره
سيد جيلاني جلان
