سپرلیه : رحيمه پشتونجار
ښـه ډېر راته سپرلــــــــــيه غــــــوړېــدلي ګـلان راوړه
يو څــو پـــــــــه کې داغــلي ځــورېـــدلي ګــلان راوړه

د تانــدو تنـــــــکۍ هـېــلو د غوټــيو خــــــــنداګــانــې
ټوکــېږي چې وږمې پــه کې سپــېڅلي ګــلان راوړه

چې عشق په کې سکروټه او لمبې په کې ښکلا وي
ګلاب غــوندې سور اور کې لمبــېدلي ګــلان راوړه

د زړه سترګه چې خـــوږ ورله د اوښکو په خنجر وي
غاټـــــول په څــېر ســينه کې داغــېدلي ګــلان راوړه

آيــت مــې د مــســــکا شـــه سېــپارې د ميــنې راوړه
پــرهــر تــه د غــمــونــو خنـــــــــــدېــدلــي ګلان راوړه