لکه چې شګې چاڼوي څوک د غمي لپاره
موږ لټولي ډېر سرونه يو سړي لپاره

پر دغه ځمکه که موږ سره ګلونه هم وکرو
په کې ټوکېږي موږ ته کاڼي له تندي لپاره

هغه تېره توره تر ملا کړه ويل يې ستوري ګټم
موږ هم لاسونه ورته جګ کړه د بري لپاره

بدبينه خلک دي، په ګل باندې يې چېرې مني
د ګل وجود نه مني بس د يو ازغي لپاره

غواړي خو ټوله بس چې غېږ ورنه راڅرخوي
خو بيا يوه خندا شي بس د لېوني لپاره

د دوی ليمو کې هم د ژوند مينې څپې وهلې
هوسۍ خو ښکار نه وي يوازې د زمري لپاره

پېښور