چې نه انكار كړي، نه انكار غلى دى
داڅه خبره ده سركار غلى دى

په دې مالت خدايګو څه  غم تېر شوى
ګودر خاموشه دى، چينار غلى دى

ښايي مرګي خلاص كړو د ژوند له شره
ژړا يي نه خېژي بيمار غلى دى

څركه! ناره د اناالحق پورته كړه
بلا موده وشوه چې دار غلى دى


                   ***

منمه اور به په شېبه لګېږي
خو په وژو يې زمانه لګېږي

لكه تير كش دې باڼه داسې ياره
رسا، رسا په نشانه لګېږي

ستا د وړې خولګې خبرې اشنا
په ما خوږې لكه ټپه لګېږي

هر وختې شنه جوړه كې ګرځه ګلې
تاسره دغه جوړه ښه لګېږي