غزل
ګوري دې، راګوري دې چې ګوري غلي غلي
ســــتوري غلي غلي ګله، ســــتوري غلي غلي
ما چې وې له دنګو دنګو څوکو حيا ورغله
پرېواته له غرونو بلا سيوري غلي غلي
ستا د ستمونو هم انصاف ښکاري پرېشانه دی
چا باندې يې ځول شي، پر چا اوري غلي غلي
ځه چې انجمن لره زياتي غاړې تر غاړې ځو
څو به رقيبان ځانونه زوري غلي غلي
غلی کړې نثاره ياره چا په غزال سترګو کې
اوري دې له خولې د غزل توري غلي غلي.
22.08.2006
- arghawan
تاسو يقينا خبر يئ چې د سرمحقق عبدالله بختاني خدمتګار يوه څېړنيز کتاب (سوله او سلام د اسلام په رڼا کې) او د پير محمد کاروان شعري ټولګې (چنار خبرې کوي) ته څه موده مخکې د سولې ادبي- هنري جايزې ورکړی شوې. اتفاقا، زه هم د هغه هيأت غړی وم چې د افغانستان د مدني ټولنې مجتمع ورته د کتابونو د ارزونې دنده ورکړې وه. د نوموړيو آثارو په اړه زما نظر چې نوموړې مجتمع ته مې ليکلی سپارلی، دا دی:
"سوله او سلام د اسلام په رڼا کې"
دا د سر محقق عبد الله بختاني خدمتګار ي...
22.08.2006
- arghawan
د شورويانو او افغانانو د جنګ پر مهال د افغانستان د مجاهدو او مهاجرو ليکوالو د ادبي جرګې د يوې غونډې په پای کی چې د پېښور په اردو ساينس بورډ کې جوړه شوې وه، زموږ يوه زاړه شاعر غلام حضرت سيمسار صاحب استاد پسرلي ته ست وکړ چې ورسره مېلمه شي. سيمسار صاحب استاد ته وويل چې که څه نه وي، خير دی، په نارې به سره کېني خو ښې غورې به سره وکړي. استاد ورته کورودانی ووايه او وعده يې وکړه چې په روژه کې به ور سره ولاړ شي! ...
