د وطن دا ښکلي غرونه
سر درو کې دي کورونه
ما ته خاورې دي ګلونه
وړي له نړۍ زړونه
«««»»»
ما ته خپل وطن ختن دی
که يې وکړمه سيلونه
هره خوا بهار بهار دی
ورنه تللي خزانونه
«««»»»
بوراګان ورته را درومي
بلبلان کړي اوازونه
که ديدن يې چا ونه کړ
نو به وکړي ارمانونه
«««»»»
هره پېغله يې سپوږمۍ ده
ټول زلمي يې سره وروڼه
په خوښۍ او غم شريک دي
درانه لر بر اولسونه
ننګ مېړانه کې پراته دي
په زرين خط تاريخونه
«««»»»
زه له دې خاورې پيدا يم
زما رګونو کې شته مينه
له هوا يې تنفس کړم
ترې قربان به کړمه وينه
۱۳۹۷/حمل/۶مه
ظهر
27.12.2019
- عزت الله ذکي
ژباړه: عزت الله ذکي که تاسي په ذهن او بدن کي هر ډول آندېښنه وزېږوئ، تاسي پخپل ژوند کي بل دښمن ته آړتیا نه لرئ! تاسي کرار_کرار نه يوازي په فزيکي ژوند، بلکي په بېلابېلو برخو کي د خپل ځان په ضد کار کوئ؛ تاسي پوهېږئ! تاسي خپل ژوند د خپل ځان په ضد ګرځوئ، نن ورځ موږ ډېر ښه پوهېږو، هغه خلک چي تر ډېر ذهني فشار لاندي راځي، حتماً ناروغيو ته بلنه ورکوي او په دې کي هيڅ شک نه شته! په روغتيايي لحاظ دا يو ثابت حقیقت دی او له دې څخه ډېر څه پېښيږي. تاسي نه يوازي ناسلامتۍ يا بد روغتيايي...
27.12.2019
- عبدالحلیم حلمیار
ملت سولي ته لېواله دی، ولسي وګړي ټول د ښکېلو ډلو تر منځ خبري اتري غواړي او له جګړې څخه ستړي دي. د جنګ طرفين هم نعرې وهي، چي جنګ د مسايلو د حل لار نه ده او د افغانستان ستونزه او يا اوسنی بحران د جګړې له لاري حل نه لري. خو پوښتنه داده چي د جګړې د ښکېلو آړخونو ترمنځ سولي ته د رسېدو د يوه توافق څومره امکان موجود دی؟ يا په بل اوريانټ د جنګ ښکېل آړخونه په اوس وخت کي سولي ته څومره چمتووالی لري؟ افغان حکومت په کوم قيمت سوله غواړي او طالبان په کومو شرايطو حاضر دي!؟ ملت ته د سولي شين څراغ ورکول کېږي، خ...
