اوس مې هم يو لاس کې توره بل کې ډال دی
دامې فن دامې هنر دامې کمال دی
له فطرته مې نفرت له غلامۍ ده
ماپه سرو وينو ګټلی استقلال دی
په ما پاتې ځواب ځکه دچانشته
ماحل کړی دهرچا دمينې سوال دی
لامې غشی دغليم په ټټر خښ دی
ما مات کړی دهر عصر هر دجال دی
ډير سر مسته مو له زوره غورځولي
ورشه وه يې کړه پوښتنه څه يې حال دی
له جهاد او له جنګونو ستړي نه يو
له پخوا نه مو کلک عزم لوړ مورال دی
په افقو راخورې سپينې سپيدې دي
دتور تم زړه کې بل کړی مو مشال دی
(عرفاني)چاچې زمونږه سيالي کړې
اوس په حال دتنزل او د زوال دی
18.05.2013
- مشفق حريتمل
زه به مې څنګه کړم ويدې دا ناقرارې سترګې
په شبګيرو باندې اخته شولې بيمارې سترګې
مابه ويل چې دابه هيڅکله مينې نشي
ماته بزرګې ښکاريدې دا توبه ګارې سترګې
په ديدنونو نه مړيږي وږې تږې شولې
له ډيرو ډيرو مودو پاتې دي نهارې سترګې...
20.05.2013
- مشفق حريتمل
څولمر مخي دي له شپوسره په جنګ دي
دا سپين ستوري له تيارو سره په جنګ دي
پريوسف يې درس دمينې دی ويلی
له زندان او زولنو سره په جنګ دي
له اورونو دې ډار نه لري ازره !
ستابچي له سرو لمبو سره په جنګ دي
په ولجه کې يې ياغي سرونه راوړل
نابللو ميلمنو سره په جنګ دي
دايمان زرينې وړ...