مینه ژوند دی love is life
هر یو شی د کائناتو
برخمن دی له دوو توکو
یو شعور دی او بل مینه
چي هر یو یې
خپلوي یو بېل شدت او بېله سطحه
۞ ۞ ۞
تر دې وړاندي چي موجود ، دا کائنات سي
محبت او شعور دواړه زېږېدلي
له عدمه تر وجوده
له وجوده تر عدمه
تر عقلي حساب وتلیو فاصلو کي
او په لویه ډارونکې شان فضا کي
منظم د یو نظام پر نظم سته دی
۞ ۞ ۞
اوس که دغه وړاندي سوې دعوه موږ کړو
پر تله د « لو اِز لایفه » سره یو ځای
دا به نېغ په نېغه ګوته دې ته نیسي
چي شعور ، مینه ، ژوندون او کائنات دي
یو د بل سره همزولي
کوم چي دا نتییجه ښئي
« دا دنیا ده خدایﷻ له عشقه پیدا کړې »
