عادل اڅکزی

 

ارمــانــجـن یــو پــه ژړا کــي ســاوي اخـلـو

د خـوږمـن زړه پـه درزا کــي ســاوي اخــلو

 

کـله لانـدي سـو تـر خاؤري ، کله موږ بیا

پـاس د ستـورو پـه ځـلا کـي سـاوي اخلو

 

ارادې بـه مــو رنـځـوري ځـکـه ښـکاري

چي د تور رقیب په خوا کي ساوي اخلو

 

و سهار تــــه لا مــوږ نـه یـو رسېـدلـي

په تیاره غوندي فضا کي ساوي اخلو

 

لاتــر اوســه لــه عـادلـه سـره یـؤ ځـای

د خـواخـوږو پـه دُعـاکـي سـاوي اخـلو

 

۹دسمبر۲۰۱۰م کال