دښاغلي مؤمن مهاجرپه اړه معلومات/محمد نسيم افغان

نېټه: 01.08.2010 13:55

دښاغلي مؤمن مهاجرپه اړه معلومات
ښاغلی مهاجرچی دتقليدپه اړه يې ليکني کړې دي اوڅوڅوځله يې
دليکوالانوسره نښتي هم راغلې دي.
څوورځي مخکی مي دده اودښاغلي روح الله افغان ترمنځ هم شخړه ولوسته.
داسې ښکاري چی نوموړی دسلفي نظريې خاونددی،ديوه مذهب مقلدهم ندی،لدې کبله مي وغوښتل چی دده اړوندځيني معلومات ددرنولوستونکوسره شريک کړم .
دسلفيانوپه اړه زمونږپه معاشره کی متضادي خبري کیږي،
اکثرافغانان له هغوی نه ډېرنفرت کوي،دکرکی په سترګه ورته ګوري،
ددوی سره خبري هم نکوي،تعلقات ورسره پرېکوي.
ځيني افغانان بياددوی سره په يوه نظردي،هغوی هم ددوی په څېرخبري اواعمال کوي،چی يوله هغوافغانانوڅخه ښاغلی مؤمن مهاجرصيب دی .
لدې کبله چی په افغانانوکی ددوی اړوندډېري متضادي خبري شروع دي،
غواړم چی پدې اړه خپل معلومات له درنولوستونکوسره شريک کړم،څوددوی سره دحق په موندلوکی مرسته وکړي.
سلفيان چیځانونه داهل حديثوپه نامه سره هم يادوي،دوی څه غواړي؟څه نظرلري؟اودکوم هدف لپاره کارکوي؟
داداسې پوښتني دي چیزماپه فکرځوابول يې اسان کارندی،پدې چی
که يوسلفي ليکوال پدې اړه ليکنه کوي،نوزمونږهيوادوال داسې آموخته شوي دي چی دخپل مخالف دخبري اورېدوته چمتوندي.
له بده مرغه زمونږځيني ملايان صيبان داسې دي چیدوی ځان ته کومه تګلاره لري،په هغې باندي په کلکه روان دي،که ترې ددليل پوښتنه وکړې؟ځواب نشي درکولای،خوپرخپل مخالف به په سختۍ اودلاورۍ سره فتوالګوي .

پوښتنه داده چیددې وجه څه ده؟ولي هغوی سره ددې چیمروج نصاب تعليم يې ټول لوستی دی،
دوی ولي نشي کولای،دخپلي عقيدې اوتګلاري لپاره دلائل ووايي.
زماپه فکرددې لوی اواساسي علت دادی چی مونږدالله پاک دين په صحيح توګه ندی لوستی.
که مولوستی وای،نوبيابه نه دومره تعصب وای اونه به دومره ناخبرتياوای.
زمونږددين بنياددوه شيان دي:
دالله پاک مقدس کتاب قرآن کريم
اودرسول الله صلی الله عليه وسلم نبوي احاديث .
دشريعت نوردلائل لکه اجماع اوقياس هغه پدې دووکی دننه دي،که ترې بهروي،هغه اجماع اوقياس نه منل کی ږي .
داخبري دحنفي فقهي داصولوپه کتابونوکی هم ليکلې دي.
خومتاسفانه زمونږاکثره ملايان هغوی قرآن کريم په تفسيرنه لولي،که يې لولي،دنحوي ترکی ب دزده کړي لپاره يې لولي،مقصديې دانه وي چی ځان پدې وپوهوي چی راشه دالله کتاب ولوله،څه وايي؟
احاديث خوبېخي داسې بولي چیهيڅ دعمل وړيې نه بولي،
دااراده نه وي ورسره چیزه بايدپه احاديثوعمل وکړم،دپيغمبرعليه السلام په طريقوعمل وکړم.
زمونږاکثره ملايان صيبان خپل قيمتي دځوانی عمرپه منطقواونوروعلوم آليه کی مصرفوي.
په دغه عمرکی دتفسيراواحاديثومطالعه هم نکوي،يوازي دومره به يې کوي،که يې امامتي نيولې وي،دجمعې دتقريرلپاره به يوڅه کتاب ګوري،خوهغه هم کی سې بيانوي،فلاني پيرداسې وکړل،فلانی ښه سړی داسې وو،فلانی داسې وو.
تردې مخکی به دقرآن کريم درس خلګودګمراهۍ لامل باله،ويل به يې چی قرآن کريم په ترجمه مه لولئ،سړی ورباندي ګمراه کی ږي.
دقرآن کريم دترجمې لپاره څوارلس علوم ضروري دي بيابه يې ترجمه کوي.
دليل به يې داوايه چی که څوک ترجمه کوي،ديوه لفظ معنی ترې غلطه شي،پدې سره ګمراه څه چی دکفرخطره ورباندي شته.
دوی ته وايوچی که دلفظ دغلطتياله امله دکفرخطره شته،نوبياخوبه بې ترجمې لوستل هم نعوذبالله دګمراهۍ سبب کی ږي،ځکه څوک چی
قرآن کريم زده کوي،له هغه څخه دزده کړي په وخت کی ډېري غلطۍ کیږي .
خوحقيقت دادی چی دايوازي دشيطان دوکه وه،پدې سره يې له قرآن کريم څخه بندول.
دازمونږستونزي دي،که داستونزي حل شي انشاءالله مونږته به دډېروخبرومعلومات وشي ـ
اوس به راشودسلفيانودتعارف مسئلې ته.
سلفيان داسې خلګ دي چی دوی وايي،مونږهغه عقيده خپلوواوعملي کوويې کومه چیله سلف صالحينوڅخه رانقل شوې ده.
په اعمالوکی دوی وايي چی مونږپرته له کومي واسطې په قرآن کريم اواحاديثوباندي عمل کوو.
داددوی دمذهب لنډتعارف دی.
اوس خلګ چی پدوی پسي څه وايي؟
ددې ځواب دادی لکه څنګه چی مومخکی يادونه وکړه چی دلته دوه خبري دي،يوله دين څخه ناخبرتيااوبل تعصب .
ځيني خلګ دناخبرتياله امله خبري ورپسي کوي اوځيني يې دتعصب له امله ورپسي کوي .
که داسې وشي چی انسان تعصب پرېږدي،ددې پرځای چی دخلګونه داورېدلوخبروپربنسټ ورباندي فتواوي ولګوي،راولاړشي،پخپله ددوی کتابونه ولولي چی دوی څه وايي؟دابه دحقيقت په موندلوکی انشاءالله دانسان سره ډېره مرسته وکړي .
نه يوازي دسلفيانوپه اړه بلکی بايدکوښښ وشي چی دهرچاپه اړه څه خبره وشي،دهغې دسپيناوي لپاره دهغه خبري واورېدل شي،يادهغه کتابونه ولوستل شي،دابه دبې ځايه مخالفتونوپه له مينځه وړلوکی دانسان سره ډېره مرسته وکړي .
الله پاک په قرآن کريم کی فرمايي:فبشرعبادي الذين يستمعون القول فيتعون احسنه (القرآن)
(زماهغوبندګانوته زېری ورکړه چی خبره اوري،نودښائسته تابعداري يې کوي)
ددې آيت په رڼاکی ويلی شوچی دهغه چاتګلاره بالکل غلطه ده،چی خپل شاګردان ياعوام خلګ دنورواسلامي مسلکونودلارويانودخبروله اورېدوڅخه منع کوي.
خوسلفيان يوه خبره کوي،هغه دډېرواحنافودغصې لامل ګرزي،هغه داچی په فقه کی غلطۍ شته.
ددې خبري ځواب مونږپخپله فقه کی هم موندلی شو،رابه شودفقه حنفي معتبرکتاب درمختارته هغه څه وايي؛
داتاسووګورئ،خبره ډېره اسانه اوواضحه ده،دشخړواوتعصباتوضرورت نشته .
اذاسُئلناعن مذهبناومذهب مخالفناقُلناوجوباًمذهبناصواب يحتمل الخطاء ومذهب
مخالفناخطاءيحتمل الصواب .(الدرالمختارص:36ج:1)
(کله چی ز مونږنه زمونږدمذهب اوزمونږدمخالف دمذهب اوزمونږدمخالف دمذهب په اړه پوښتنه وشي(چی ستاسومذهب څنګه دی اوستاسودمخالفينو:امام مالک،شافعي،احمدمذهب څنګه دی؟)
مونږبه خامخا(په ځواب کی )داسې وايو:زمونږمذهب حق دی،خوکيدای شي چی غلط وي،دمخالف مذهب موخطاءدی،خوکیدای شي چی حق وي)
بيايې ددرمختارپه شرح شامي کی ددې خبري دليل داسې ويلی دی چیځکه زمونږځواب داسې دی،چی زمونږمذهب حق دی،خوکيدای شي چی غلط وي،لان المجتهديُصيب ويُخطئُ
مجتهدحق ته هم رسيږي اوخطاءکيږي هم.
که څوک ووايي چی امام صيب په يوه خبره کی هم ندی خطاءشوی،هره خبره يې صحيح ده!!
ددې سړي دخبري منشأبې خبري ده،ځکه که څوک دحنفي فقهي کتابونه وګوري،نوددې خبري ابطال به ورته ډېرښه جوت شي،هلته يې ټولي خبري دامام صيب مفتی به ندي ګرزولې.
په ځينويې فتوی نده ورکړي،داولي؟داځکه چی دوی ته يې قول کمزوری معلوم شوی دی.
داسې مسئلي په سلګونونه بلکی په زرګونودي چیفتوی دامام صيب پرقول نده ورکول شوې.
بلکی دصيبينوپرقول فتوی ورکول شوې ده .
زمادليکني مطلب دادی چیکه مونږدهرچاپه اړه معلومات غواړو،نوبايددهغه له خولې يې واورو،يايې دهغه له کتابومعلوم کړو.
پدې کارسره انسان ګناهګارکی ږي هم چیدچاپه باره کی څه واوري،بس هغه بيانوي،نورتحقيق نکوي
په حديث شريف کی راغلي دي کفی بالمرءکذباان يحدث بکل ماسمع
دانسان لپاره دادروغ بس دي،چیهره اورېدلې خبره کوي.
دحديث مطلب واضح دی چیهغه څوک پوره دروغجن دی،څوک چیهره اورېدلې خبره بيانوي.
مسلمان بايدله تحقيق څخه کارواخلي،په چاويل،دوی ويل پسي به نه ګرزي ..
بله پوښتنه داده چیسلفيان په امامانوپسي بدوايي،داهم داسې خبره ده چیفکرکوم کوم دليل اوحقيقت نلري ځکه که مونږدسلفيانوصيبانوکتابونه ولولوياله هغوپوښتنه وکړو،هغوی داخبره په کلکه ردوي اوداپه ځان پسي بهتان بولي.
دبېلګي په ډول دشيخ عبدالسلام رستمي صيب کتابونه
شيخ امين الله سلفي صيب کتاب دتقليدحقيقت
اوداسې نور.
دارنګه ښاغلی مؤمن مهاجرصيب چیليکني کوي،هغه هم دسلفي نظريې درلودونکی شخص دی،هغه هم داخبري په کلکه ردوي اوداسې وايي: زه په پوره اخلاص وایم چیوالله! امام ابوحنیفه ته په هومره درناوي دزړه له کومي قایل یم څومره چیله یومخلص مسلمان،مجتهد،فقیه اومحدث عالم سره ښایي زه دامت په امامانوکی دیوه ترمنځ هم توپیرنه شم کولای والله چیکله دیوه مناقب ګورم دبل هغه راڅخه هېروي اوچیدبل ګورم دبل هغه راڅخه هېروي . دوئ په بڼ کی دهغوښکلوګلانوپه څېردي چیله منځه یې دیوه انتخابول دوجدان پرخلاف وي . په عمومي توګه په احنافوپه کی توپیرشته . له دې هیڅوک سترګې نه شي پټولای اودایوروښانه حقیقت دی !!
دادامامانوپه اړه دښاغلی مهاجرصيب څرګندوني دي،چی يوسلفي المسلک شخصيت دی .
پوښتنه داده چی ولي سلفيان پدې سيموکی دومره منفوردي،خلګ يې په بدونومانوسره يادوي،ډول ډول خبري ورپسي کوي،دې سوال ته ښاغلی مهاجرصيب داسې ځواب وايي:
دلته بایدواضحه کړم چیپه دې سیمه کی داسلام له اصلي سرچینوڅخه دخلکودناخبرۍ په وجه هغه کسان خورا ډېربدنام شوې چیکوښښ کوي ددې سیمې په ټولنوکی دمروجوغیراسلامي عقیدواوبدعاتومخه ونیسي ښه بېلګه یې په خپله په حنفي مذهب کی دپنچ پیریانوډله ده،هغوی دومره بدنام اورټل شوي چی ډېری خلک دهغوی اوپه اصطلاح سلفیانوترمنځ توپیرهم نه شي کولای حال داچیهغوی خوراکلک حنیفیان دي . همدې وجوهاتو مقابل لوری هم ځینوسختیوته اړایستلی دی،ځکه انسان کمزوری دی کله چیپه هغه پسي بدویل کی ږي نوهغه هم پر قراره نه کښېني چی مخالف یې څه پسي وايي دی یې لس چنده پسي وايي . ددې حالت اصل عامل زموږهغه علماء دي چیداصلاح پرځای دې اختلافاتوته دهواورکولوهڅې کوې،په کارخوداوه چی هغوی په خپله خواکی خامۍ هم اصلاح کړې وای اوله هغونورویې هم غوښتي وای چیدغه تېروتني درپکی دي اصلاح یې کړی .زه خوپه دې نظر نه یم چیله رفع الیدین پرته لمونځ نه صحیح کی ږي اوکه څوک الحمدلله په امام پسي ونه وايي دهغه لمونځ نه شته البتة داهرومرووایم چیدرفع الیدین اوقرآت خلف الامام دلائل ترهغونوروقوي دي . په دې کی که له ماسره څوک اختلاف لري ودې لري دایې حق دی . زه یې نه منعه کوم خوکه زماپرخلاف لیکنه وکړي نوزه مجبوریم چی ځواب ورکړم زه یوازي دخپل موقف دفاع کوم . هو! پرداسې موضوعاتوهم لیکنې کوم چی زماپه انددبدمرغیو اصلي سرچینې دي چی یوپکی ړوندتقلیددی!!
په پای کی زه درنوليکوالانوته بلنه ورکوم چی که ددوی سره پدې اړه ډېرمعلومات وي،مهرباني دي وکړي،راسره شريک دې کړي،څومونږترې استفاده وکړو.
زماغرض پدی ليکنه کي يوازی دادی چی څنګه په مسلمانانوکی يووالی راشی،ددوی ترمنځ عداوت اودښمنۍ ختمی اوله منځه ولاړی شي .بياهم ددرنوليکولانونه غوښتنه کوم چی که زمادليکنه په اړه
بل ډول نظرلری،مهربانی دی وکړی،خپل مالومات دی راسره شريک کړی،خوشحال به شواودلازياتومالوماتودحاصلولوذريعه به شی
پای