ښځو په وړاندي ساده خو ستر ګناهونه

ا- د ميړه له خپلوانو سره يواځيتوب، چي ددي کار خطر له پردي سړي څخه ډير وي. حضرت محمد صلي الله عليه وسلم فرمايلي: دپرديو ښځومجلس نه مه ور ننوځي. له انصارو څخه يوه پوښتنه وکړه: اي د خداي رسوله د حمو (د ميړه  خپلوان) په اړه څه وايي؟
رسول الله صلي الله عليه وسلم ځواب ورکړ: حمو مرګ دي.
امام ترمذي د حمو په اړه ويلي چي حمو د ميړه وروڼو ته وايي او نبي صلي الله عليه وسلم ځکه د ميړه وروڼو ته له مرګ سره تشبيه ورکړي چي  وښيي چي ميړه له وروڼو سره يواځيتوب مکروه او بد کار دي.
په پورتني حديث کي له حمو څخه مطلب د ميړه له پلار او ځامنو نه پرته نور ټول خپلوان شامل دي.
امام شوکاني په خپل تفسير کي فرمايي: له نورو خپلوانو څخه د ميړه وروڼه ډير خطرناک دي ځکه د مرګ سره تشبيه شوي.
نو له مسلمانو خويندو څخه مو دا هيله ده چي پدي اړوند له تساهل څخه کار وانخلي او نه بايد خپل رواج ته وګوري ځکه دا رواج د اسلام مخالف دي.
ب- ځني ښځي او اوليايي د ښځي سوريدل له موټروانانو سره عادي بولي. چي دا هم حرام دي.
شيخ محمد ابراهيم آل شيخ د سعودي لوي عالم پدي اړوند وايي: په موټر کي د ښځو سپريدل له نامحرمو سره پداسي حال کي چي له ښځي سره محرم نه وي حرام دي. او داسي کارونه ډيري ناوړه لاسته راوړني لري چي ور څخه سترګي نشو پټولاي.
داسي کارونه هيڅ کله با حيا  ښځي نه کوي او کوم ولي چي خپلي ښځي ته داسي کارونو کي اجازه ورکوي نامرد او بي غيرته سړي وي. ځکه حضرت محمد صلي الله عليه وسلم فرمايلي: کله چي يوه ښځه او يو نر سره يوځي شي دريم پکي شيطان دي.
پداسي حال کي چي موټروان سره پردي ښځه موټر کي ناسته وي هغه چي يي چيرته وغواړي بوولاي يي شي. ځکه دا کار هم فاسد او ناروا دي.
کوم څوک چي له ښځي سره چيرته ځي بايد لوي وي ځکه دماشوم وجود پداسي ځايونو کي دکوم مشکل مخه نشي نيولى .
امام نووي وايي: د پردي ښځي او نر ترمنځ ماشوم دريم نشي کيدي ځکه له ماشوم څخه حيا نه کيږي او د ماشوم موجوديت هلته کوم مزاحمت نشي کولاى.
ج- يوله هغو کارونو څخه چي ښځي او اوليايي پکي له تساهل څخه کار اخلي ډاکټر ته د ښځي يواځي تلل دي پداسي حال کي چي داسي کارونه هم لوي لوي خطرونه لري او ددي کار عادي ګڼل په هيڅ وجه جايز ندي.
شيخ ابراهيم پدي اړوند وايي: که کورکي سړي نه وي او ښځه ناروغه شي نو ښځه کولي شي له بلي ښځي سره ډاکټر ته ولاړه شي او که بله ښځه هم نه وه نو نرسه خو بايد حتما د علاج په مهال ورسره وي. ترڅو له خلوت څخه چي شرعا ناجايز دي ځان وژغورل شي.
همدارنګه د ړانده او يا جوړ استاذ سره د درس او تدريس لپاره يواځيتوب ښه ندي او يا په تياره کي د ښځي خدمتګاري خدمت دا ټول د هغه پوچ تمدن اغيزي دي چي مونږ يي عادي ګڼو. چي پدي ډله کي په کورکي د خادمي سره هم يواځيتوب ښه ندي اويا د نر خادم سره د ښځي يواځيتوب هم ناجايز دي.
دا يوه لويه ستونزه ده ځکه د ډيري خلکو ښځي خپلو کارونو ته ځي اوپه کورکي يي خدمتګاري کار کوي چي پدي اړه بايد له ډير احتياط څخه کار واخستل شي.