د زعفرانو روغتیايي ګټې
ژباړه: حمیدالله حمیدي
زعفران د نړۍ له تر ټولو ګران بیه ګل دی چې د روزلو او ټولولو نږدې ټول کارونه یې په لاس ترسره کېږي.
زعفران خپله نورو خوراکي توکو ته خوند او رنګ ورکوي، وازګې له منځه وړي او په وینه کې د کلسترول د زیاتوالي مخه نیسي. که غواړئ ذهني ارامتیا ولرئ، زعفران وکاروئ.
له دې سره سره زعفران اشتها زیاتوي او د پوستکي، سترګو، زړه او سرطاني ناروغیو مخه نیسي، حافظه قوي کوي او د وینې فشار په ټيټولو کې پوره مرسته کوي.
که له زعفرانو په خوړو کې ګټه واخیستل شي، هضم اسانه کوي، معده قوي کوي او دردونه یې له منځه وړي.
زعفران بدني ستړیا او خپګان له منځه وړي.
پر زعفرانو وروستیو څېړنو ښودلې چې زعفران د ستړیا او خپګان د له منځه وړو خاصیت لري، له دې مخکې هم په سنتي طب کې زعفرانو ته خوشالوونکی او خوښۍ راوړنکی نوم کارول شوی دی.
د څېړنو پایلو ښودلې چې په ورځني ډول باید له زعفرانو په خوړو کې ګټه واخیستل شي او یا هم یوه پیاله د زعفرانو چای وڅښل شي؛ ځکه عصاب پیاوړي کوي.
زعفران د الزایمر او پارکیسون ناروغیو مخه نیسي او تمرکز قوي کوي. که عصبي دردونه لرئ او یا هم له بې خوبۍ ځورېږي، نو زعفران یې اصلي درمل دي.
کله چې انسان زړېږي نو په تدریجي ډول یې د ليد حس هم کمزوری کېږي، خو نوو څېړنو ثابته کړې چې زعفران کولای شي هغه سلولونه له سره ترمیم او بیا ژوندي کړي چې د لیدو په حس کې مرسته کوي.
دغه راز زعفران هغه قهویي ټکي او خالونه له منځه وړي چې د عمر خوړلو کسان د لاس په پوستکي کې پیدا کېږي.
د زعفرانو سرطاني ضد ځانګړنې
زعفران د تومور او سرطاني ناروغیو ضد ځانګړنې لري او په بدن کې ازاد راډیکالونه له منځه وړي. څېړنو ثابته کړې چې په زعفرانو کې شته انتي اکسیدان په بدن کې د سرطاني ناروغیو مخه نیسي.
د زعفرانو زیانونه
په هېڅ څه کې هم افراط نه دی په کار؛ که د زعفران په خوړو کې هم افراط وشي زیانمنوونکې پایلې لري. په زیاته کچه د زعفرانو کارول د خوابدۍ، د زړه د ضربان د زیاتوالي، سر ګنګسۍ، له پزې او شونډو د وینې بهيدنې، بې حالۍ او ژېړي سبب ګرزي چې ان کله کله پر مرګ هم تمامېږي.
دافغانستان زعفران په لاندني لینک کې وګورئ:
http://nakhtar.bloguna.tolafghan.com/posts/21440
د ګازرې روغتیايي ګټې
ژباړه: حمیدالله حمیدي
د هوا خرابوالي په لویو ښارونو کې د خلکو ژوند ور ستونزمن کړی دی؛ تر ډېره هغه کسان چې په ککړه هوا کې په ښار او بازار کې ګرځي، په دې لټه کې هم وي چې څنګه کولی شي د هغو ناروغیو مخه ونیسي چې د ککړې هوا له کبله پیدا کېږي.
د هارورد پوهنتون څېړونکو ورته دغه لاره اسانه کړې ده؛ دوی خپلو مخاطبانو ته دا روښانه کړې چې څه ډول کولای شي د هغو ناروغیو مخه ونیسي چې ککړه هوا یې لامل ګرځي.
هره ورځ ګازرې وخورئ
د هارورډ پوهنتون د څېړونکو په نوې څېړنه کې دا ثابته شوې ده چې ګازرې خوړل د سرطان ناروغۍ مخنیوی کوي. دغه څېړونکي وایي چې په ګازرو کې په زیاته اندازه د بتاکروتین شتون چې یو ډول انتي اکسیدان دی، مرسته کوي چې په بدن کې تخریب شوي سلولونه بیا ورغوي.
هغه کسان چې د خپلې یوې اونۍ په غذایي رېژم کې ۶ دانې ګازرې شاملې کړي، د هغه کس په پرتله به د ککړې هوا په مقابل کې مقاومت ولري چې په یوه اونۍ کې یوازې یوه ګازره خوري. د بدن همدغه مقاومت یې د دې لامل ګرځي چې د سرطان پر ناروغۍ اخته نه شي.
ګازرې د زړه د ناروغۍ په مخنیوي کې هم ګټمنې دي
که په غذایي رېژیم کې ګازرې ور زیاتې شي، بله ګټه به یې دا وي چې د زړه له ناروغیو به په امن کې یاست؛ ځکه تازه ګازرې په خپل ترکیب کې په زیاته کچه کاروتینويید لري چې کولی شي د زړه ناروغي حد اقل ته را ټیټه کړي.
دغه راز په ګازرو کې شته بتاکاروتین، الفا کاروتین او لوتيین، چې په وینه کې کلسترول کنټرولوي د زړه د ناروغیو په له منځه وړو کې ګټور تمامېږي.
که غواړئ چې خپل ځان او کورنۍ مو له سرطاني ناروغیو وژغورئ نو د ګازرو له چپسو ګټه واخلۍ، خو نه په غوړ کې. همدا اوس مو په یخچال کې خالي ځای له ګازرو ډک کړي. له ګازرو څخه پلن پلن چپس جوړ کړی او تر ۱۳۰ درجو پورې حرارت ورکړئ. کله چې ښه ساړه شول، کولی شي نوش جان یې کړئ.
کامرون خپله تجربه په خپل کتاب (څنګه له سرطانه ځان وژغورو؟) کې داسې لیکي:
((د کولمو په سرطان له اخته کېدو وروسته مې له هر څه تمه شکېدلې وه، د مرګ د ورځې په تمه مې شپې سبا کولې.))
د خپل مشاور ډاکټر په مشوره به مې د ورځې ۳ کیلو د ګازرو اوبه څښلې، دغه رېژیم ته مې درې میاشتې ادامه ورکړه.
((پوهېږئ هېڅ باور مې نه کېدو، د دې چارې په عملي کولو وتوانېدم چې د کلمو سرطان مې کابو کړم. د روغېدو یوازېنی چانس مې دا نه و چې پر وخت مې درملنه پیل کړه. پوره ډاډه یم چې ګازرې مې د روغتیا اصلي لامل وې.))
د پالکو لس ګټې
ژباړه: نجیب الله خان
۱-د پروټينو غني منبع ده، انتي اوکسیدنتAnti oxidant، او فایبر fiber هم په خپل ترکيب کې لري.
۲- د التهاب ضد دي.
۳- د غذا په هضمولو کې مرسته کوي.
۴- د سترګو لید تیزوي.
۵- د وينې فشار کموي.
۶- پوستکی روښانه ساتي.
۷- هډوکو ته تقویت او پياوړتيا ورکوي.
۸-د بدن دفاعي سیستم پياوړى کوي.
۹- د ناروغيو په دفاع کې مرسته کوي.
۱۰- مغز (دماغ) پياوړي کوي.
