له ارګ څخه د مرغومي په ۲مه،رسنیوته په یوه لېږل شوې خبرپاڼه کې راغلي دي چې ولسمشرغني ته د استانبول په نړیوال هوایي ډګر کې د استانبول والي، ښاروال او د ګارنیزون قوماندان ښه راغلاست ووایه.

داپه داسې حال کې ده چې دنړیوال تعامل اوپروتوکول له مخې باید دیوهیواددولسمشر هرکلي ته داړوند هیواد ولسمشر او یا هم لومړی وزیر ورشي . خوافغانستان د ولسمشر هرکلي ته آن دترکیې دبهرنیوچارو وزیر هم ځانته زحمت نه و ورکړی.

سرچینه وایي چې ولسمشر به د ترکیې د اقتصادي کمیسیون له غړیو سره  چې د هغه هېواد تاجران او متشبثین به هم حضور ولري، خبرې وکړي او د دواړو هېوادونو تر منځ د اقتصادي او سوداګریزو اړیکو د پراختیا او په افغانستان کې د پانګونې د فرصتونو په هکله هغوی ته معلومات ورکړي.

خبرپاڼه وايي چې ولسمشر به د ترکیې له ولسمشر رجب طیب اردغان او همدارنګه د هغه هېواد له لومړي وزیر سره جلا کتنې او خبرې وکړي او د دواړو هېوادونو د بهرنیو چارو وزارتونه به د سیاسي مشورو او د کورنیو چارو وزارتونه به د امنیتي همکاریو او همدارنګه په کابل کې د ترکیې له لوري د مولانا جلاالدین محمد بلخي پوهنتون د جوړولو په هکله د همکارۍ درې تفاهم لیکونه هم لاسلیک کړي.