دقدرمن ډاکترصاحب نثاراحمد صمد د روژې مبارکې ددوهمې برخې دتحفوتوحید له ځوابونو سره
لیکوال : محترم ډاکترصاحب نثار احمد صمد
د روژې پنځلسمه تحفه
ګرانو دوستانو ، روژه مبارکه هم نیمایی ته ورسیده او خدای دی وکړی چی تیرو برخو څه نا څه معنوی ، روحانی او ایمانی ګټه رسولې وی . ښایی هغو کسانو ته چی د دین په چارو کی کهالت او عطالت لری ، که نور څه نه وی اقلأ معلوماتی خو واقع سوي وی ! څه معلومه ده چی ژوند به نوره یاري هم وکړی که یا ؟! څومره ناوړه او غلط کارونه مو کړي دي ؟! آیا یوه ذره ګټه یې رارسولې ده ؟ راځی چی نور نو په ځان کی بدلون راوړو تر څو الله تعالی مو روان حالت رابدل کړی ( القرآن ) ؛ که نه همدا په اصطلاح آش او همدا کاسه به وی او خوله به مو راسوځوي . نو دا هم پنځلسمه تحفه ، ستاسو د ځوابونو په طمع . والسلام ( ن . صمد،nsamad57@hotmail.com).
پوښتنی :
۱ ـ د سورهً آل عمران په کوم آیت کی د رسول الله (ص) مبارک نوم ( محمد ) ذکر سوی دی ؟
۲ ـ په سورهً النسأ کی د چا حقوق ډیر بیان سوي دي ؟
۳ ـ د سورهً آل عمران په کوم آیت کی د حضرت عیسی (ع) د ژوندي پورته کولو بیان سوی دی ؟
۴ ـ په سورهً نسأ کی تر ټولو اول د کوم پیغمبر نوم راځي ؟
۵ ـ د المایًده معنی څه ده ؟
۶ ـ که یو ناروغ د روژه نیولو له امله د ناروغۍ تشویش لری یا یې مریضي زیاتیږی یا د ناروغۍ د اوږدېدو اندیښنه یې وی او روژه ماته کړی نو څه کیږی ؟
الف : قضایی باید ونیسي ؛
ب : قضایی او کفاره دواړه باید ادا کړی ؛
ج : روژه قطعأ نسي ماتولای ؛
د : نه قضایی او نه کفاره لری .
۷ ـ داسی زوړ شخص چی په آینده کی د کمزورۍ له امله قضایی روژه نه سي نیولای نو د هری روژې په بدل کی باید فدیه ورکړي . دا فدیه څه مقدار وی ؟
الف : د یوې صدقهً فطر مقدار ؛
ب : په یو مسکین تر ماړه نسه ډوډۍ خوړل ؛
ج : په درو مسکینانو ډوډۍ خوړل ؛
د : په اوو مسکینانو ډوډۍ خوړل .
۸ ـ اسلام د اخلاقو په اړه څه وایی ؟
الف : بېله هغه ایمان نیمګړی ( نامکمل ) دی ؛
ب : پر خپلو اعمالو خوشحاله کېدل ؛
ج : د کافرانو او منافقانو څخه ځان ګوښه کول ؛
د : دین ته رابلل او تبلیغ کول .
۹ ـ پنځه لمونځونه کله فرض سول ؟
الف : د اسرأ او معراج پر مهال ؛
ب : د قدر په شپه ؛
ج : د بدر په غزا کی ؛
د : مدینې ته د هجرت څخه وروسته .
۱۰ ـ چا غوښتل چی معصیب بن عامر ووژنی خو د قرآن په اوریدلو مسلمان سو ؟
الف : عباده بن صامت ؛
ب : اسید بن حضیر ؛
ج : معاذ بن حارث ؛
د : ټول غلط .
او دا هم د نن زرین اصل : یو عالم ویلی دي : حیران یم چی خلک د ډاکټر په « خبره » حلال پریږدی ، خو د الله په « امر » حرام نه پریږدی !
د روژې د تحفو ځوابونه
( دوهمه برخه )
د ۲۰۱۵ کال د روژې د مبارکی میاشتی د ټولو تحفو د پوښتنو ځوابونه په لاندی ډول دي ( البته لومړنۍ برخه یې دوې اوونۍ مخکی خپره سوې وه ) . هیله ده چی دا ټولی برخی په یو فایل کی وساتل سی . ځکه علم باید خاموش نه وی بلکی تکثیر او خپور سی .
زموږ د دې لړۍ په سیالۍ کی درې کسان ګټندوی سول چی هغه دا دي : ښاغلی ولی رحمن لومړی مقام ، ښاغلی احمد الله عاطفی دوهم مقام او ښاغلی ډاکټر اختر محمد کلیوال درېیم مقام . زه دوی درو واړو ته د زړه له تله مبارکي وایم او الله تعالی دی یې د ژوند په ټولو چارو کی بریمن او پتمن لری . دوی ته به د وعدې مطابق انشاالله زما څلور جلده کتابونه ورولیږل سی .
د پنځلسمی تحفې ځوابونه :
۱ ـ د سورهً آل عمران په کوم آیت کی د رسول الله (ص) مبارک نوم ( محمد ) ذکر سوی دی ؟ ځواب : په آیت نمبر ۱۴۴ کی .
۲ ـ په سورهً النسأ کی د چا حقوق ډیر بیان سوي دي ؟ ځواب : د ښځو حقوق .
۳ ـ د سورهً آل عمران په کوم آیت کی د حضرت عیسی (ع) د ژوندي پورته کولو بیان سوی دی ؟ ځواب : آیت نمبر ۵۵ .
۴ ـ په سورهً نسأ کی تر ټولو اول د کوم پیغمبر نوم راځي ؟ ځواب : د حضرت ابراهیم (ع) نوم .
۵ ـ د المایًده معنی څه ده ؟ ځواب : دسترخوان .
۶ ـ که یو ناروغ د روژه نیولو له امله د ناروغۍ تشویش لری یا یې مریضي زیاتیږی یا د ناروغۍ د اوږدېدو اندیښنه یې وی او روژه ماته کړی نو څه کیږی ؟ الف : قضایی باید ونیسي .
۷ ـ داسی زوړ شخص چی په آینده کی د کمزورۍ له امله قضایی روژه نه سي نیولای نو د هری روژې په بدل کی باید فدیه ورکړي . دا فدیه څه مقدار وی ؟ الف : د یوې صدقهً فطر مقدار .
۸ ـ اسلام د اخلاقو په اړه څه وایی ؟ الف : بېله هغه ایمان نیمګړی ( نامکمل ) دی .
۹ ـ پنځه لمونځونه کله فرض سول ؟ الف : د اسرأ او معراج پر مهال .
۱۰ ـ چا غوښتل چی معصیب بن عامر ووژنی خو د قرآن په اوریدلو مسلمان سو ؟ ب : اسید بن حضیر .
د روژې شپاړسمه تحفه
عزتمنو لوستونکو ، د روژې مبارکه میاشت تر نیمایی واوښته او مرحبا په الوداع سره بدله سوه . زموږ د ټولو ژوند هم کټ مټ د الوداع په حال کی دی . نن وی که سبا ، ملک الموت مو راګیروی . آیا څوک پوهیږی چی همدا روژه به پوره کړو ؟! آیا راتلونکې روژه به « دلته » یو که « هلته » ؟! نو څومره به ښه وی چی توښه همدا اوس لا برابره کړو او موقع له لاسه و نه باسو . یعنی زیات عبادت ، اطاعت ، ریاضت ، تلاوت او افادیت ته مخه کړو . دا هم د روژې شپاړسمه تحفه ، ستاسو د ځوابونو په امید . خو دوستانو ته باید ډاډ ورکړم چی د ټولو برخو ځوابونه به د روژې تر ختمېدو وروسته انشاالله خپاره کړم، والسلام ( ن . صمد،nsamad57@hotmail.com).
پوښتنی :
۱ ـ د قرآن مجید په کوم سورت کی د اوداسه ذکر سوی دی ؟
۲ ـ په سورهً الانعام کی د کوم پیغمبر نوم څلور واره ذکر سوی دی ؟
۳ ـ د المایًده لفظ د المایًده سورت په کوم آیت کی راغلی دی ؟
۴ ـ د سورهً التوبه بل نوم څه دی ؟
۵ ـ په سورهً المایًده کی د کوم پیغمبر نوم درې واره راغلی دی ؟
۶ ـ سترګی تورول ، سر غوړول ، پیغور ورکول ، چغلي کول پر روژه څه اثر کوی ؟
الف : روژه ماتوي ؛
ب : روژه نه ماتوی ؛
ج : روژه ماتوی او باید قضایی راوګرځول سی ؛
د : باید قضایی او کفاره دواړه ادا سی .
۷ ـ که روژه لرونکی خپل نوکان واخلی یا وریښتان لنډ کړی یا سر وخریی نو ؟
الف : روژه یې ماتیږی ؛
ب : روژه یې نه ماتیږی ؛
ج : روژه یې مکروه کیږی ؛
د : ټوله غلط دي .
۸ ـ د مور او پلار تر وفات وروسته د هغوی حقوق څه دي ؟
الف : ښه نوم ګټل ، ښه تعلیم حاصلول ، واده کول ؛
ب : چا ته تکلیف نه ورکول ، د مشرانو احترام کول ، شرعیت منل ؛
ج : د مغفرت دعا ، د قبر زیارت ، د نفلي او مالي صدقو ثواب وربخښل ؛
د : تل د هغوی د ناز او مهربانیو یادول .
۹ ـ پیغمبر صلی الله علیه وسلم د معراج په شپه څنګه آسمان ته ولاړ ؟
الف : جسمأ او روحأ ؛
ب : یوازی روحأ ؛
ج : په خوب کی ؛
د : په تصور کی .
۱۰ ـ رسول الله (ص) څونه موده د ثور په غار کی پاته سو ؟
الف : درې ورځی ؛
ب : یوه هفته ؛
ج : یوه شپه او ورځ ؛
د : څلور ورځی .
او دا هم د نن زرین اصل : که دي د دنیا په محکمه کي عدالت پیدا نکړ نو خپله دوسیه د آخرت و محکمې ته پرېږده ، ځکه چي هلته شاهدان پرښتې (ملایکی) دي او ستا دعوه ساتلې ده او قاضي هم رب العالمین دی !
د شپاړسمی تحفې ځوابونه :
۱ ـ د قرآن مجید په کوم سورت کی د اوداسه ذکر سوی دی ؟ ځواب : په سورهً المایًده کی .
۲ ـ په سورهً الانعام کی د کوم پیغمبر نوم څلور واره ذکر سوی دی ؟ ځواب : د حضرت ابراهیم (ع) نوم .
۳ ـ د المایًده لفظ د المایًده سورت په کوم آیت کی راغلی دی ؟ ځواب : په آیت نمبر ۱۱۲ او ۱۱۴ کی .
۴ ـ د سورهً التوبه بل نوم څه دی ؟ ځواب : سورهً برأت .
۵ ـ په سورهً المایًده کی د کوم پیغمبر نوم درې واره راغلی دی ؟ ځواب : د حضرت موسی (ع) نوم .
۶ ـ سترګی تورول ، سر غوړول ، پیغور ورکول ، چغلي کول پر روژه څه اثر کوی ؟ ب : روژه نه ماتوی .
۷ ـ که روژه لرونکی خپل نوکان واخلی یا وریښتان لنډ کړی یا سر وخریی نو ؟ ب : روژه یې نه ماتیږی .
۸ ـ د مور او پلار تر وفات وروسته د هغوی حقوق څه دي ؟ ج : د مغفرت دعا ، د قبر زیارت ، د نفلي او مالي صدقو ثواب وربخښل .
۹ ـ پیغمبر صلی الله علیه وسلم د معراج په شپه څنګه آسمان ته ولاړ ؟ الف : جسمأ او روحأ .
۱۰ ـ رسول الله (ص) څونه موده د ثور په غار کی پاته سو ؟ الف : درې ورځی .
د روژې اوولسمه تحفه
ګرانو لوستونکو ، که موږ او تاسی د کال د ۳۶۵ ورځو څخه فقط ۳۰ ورځی روژې ونیسو ( چی د خدای امر دی ) ، او هره ورځ یو څه قرآن هم تلاوت کړو نو څه ضرر به مو کړی وی ؟ حال دا چی هم به الله راڅخه راضی وی او هم به مو له دوږخه نجات او جنت ته د شمولیت ضمانت حاصل کړی وی ، ځکه دا الهی قول دی . خو بریالیتوب دا دی چی پر خپل نفس غالب اوسو ، که نه ناکام به یو . نو همدې مهمی باریکۍ ته په توجه سره لطفأ اوولسمه تحفه ومنیً او خپل ځوابونه راولیږئ . باید یادونه وکړم چی د ټولو برخو ځوابونه به د روژې تر ختمېدو وروسته انشاالله خپاره کړم . والسلام ( ن . صمد،nsamad57@hotmail.com).
پوښتنی :
۱ ـ په سورهً الاعراف کی د کوم پیغمبر نوم اووه ځله راغلی دی ؟
۲ ـ په قرآن مجید کی د څو مسجدونو ذکر راغلی او نومونه یې څه دي ؟
۳ ـ هغه کوم پیغمبر دی چی په ټول قرآن کی یې صرف یو ځل نوم ذکر سوی دی ؟
۴ ـ هغه کوم سورت دی چی په پیل کی یې بسم الله الرحمن الرحیم نسته ؟
۵ ـ هغه کوم پیغمبر دی چی په سورهً یونس کی یې نوم اته واره ذکر سوی دی ؟
۶ ـ که روژه لرونکی په غلطي سره فکر وکړی چی لمر لویدلی دی ، نو روژه ماته کړی خو وروسته پوه سي چی تر لمر لوېدو مخکی یې روژه ماته کړې ده نو ؟
الف : قضایی او کفاره دواړه لازم دي ؛
ب : قضایی او کفاره دواړه لازم نه دي ؛
ج : قضایی لازمه ده خو کفاره لازمه نه ده ؛
د : روزه یې صحیح ده او نه ماتیږی .
۷ ـ که په روژه کی بلغم معدې ته ولاړ سی نو ؟
الف : روژه یې ماتیږی ؛
ب : روژه یې نه ماتیږی ؛
ج : روژه یې مکروه ده ؛
د : بله ( قضایی ) روژه باید ونیسي .
۸ ـ د امانت په هکله اسلام څه حُکم کوی ؟
الف : اې مؤمنانو! په غلطه او ناروا طریقه سره د نورو مال مه خورئ ؛
ب : د هغو خلکو چی امانتونه ( او حقوق ) یې ستاسو سره دي، هغه صحیح او پوره ادا کړئ ؛
ج : د خپلی ګټی له پاره د نورو تاوان پر ځان ومنیً ( برداشت کړئ ) ؛
د : ټوله صحیح دي .
۹ ـ د الله تعالی د تعبیر له مخی د اسرأ او معراج هدف څه و ؟
الف : چی خپل آیتونه ( نښانۍ ) ور وښیی ؛
ب : چی کفار اسلام ته راوبولی ؛
ج : چی د پیغمبر (ص) د یارانو ایمان پیاوړی کړی ؛
د : چی نبوي معجزې انسانانو ته وښیی .
۱۰ ـ پیغمبر علیه السلام او ابوبکر (رض) د مکې څخه تر وتلو وروسته چیری ولاړل ؟
الف : د ثور غار ته ؛
ب : د حرا غار ته ؛
ج : د ام معبد کور ته ؛
د : ټوله غلط .
او دا هم د نن زرین اصل : موږ افغانان هر یو نارې وهو چی د هیواد موجوده وضع د زغملو نه ده او باید بدله سي ، خو په ځانونو کی د بدلون راوستلو فکر د هیچا سره نسته ( چی الهي امر دی ) !
د اوولسمی تحفې ځوابونه :
۱ ـ په سورهً الاعراف کی د کوم پیغمبر نوم اووه ځله راغلی دی ؟ ځواب : د حضرت آدم (ع) نوم .
۲ ـ په قرآن مجید کی د څو مسجدونو ذکر راغلی او نومونه یې څه دي ؟ ځواب : پنځه مسجدونه : مسجدالحرام ، مسجد الضرار ، مسجد النبوي ، مسجدالاقصا ، مسجد قبا .
۳ ـ هغه کوم پیغمبر دی چی په ټول قرآن کی یې صرف یو ځل نوم ذکر سوی دی ؟ ځواب : عُزیر (ع) او ذوالنون (ع) .
۴ ـ هغه کوم سورت دی چی په پیل کی یې بسم الله الرحمن الرحیم نسته ؟ ځواب : سورهً التوبه ( برأت ) .
۵ ـ هغه کوم پیغمبر دی چی په سورهً یونس کی یې نوم اته واره ذکر سوی دی ؟ ځواب : حضرت موسی (ع) .
۶ ـ که روژه لرونکی په غلطي سره فکر وکړی چی لمر لویدلی دی ، نو روژه ماته کړی خو وروسته پوه سي چی تر لمر لوېدو مخکی یې روژه ماته کړې ده نو ؟ ج : قضایی لازمه ده خو کفاره لازمه نه ده .
۷ ـ که په روژه کی بلغم معدې ته ولاړ سی نو ؟ ب : روژه یې نه ماتیږی .
۸ ـ د امانت په هکله اسلام څه حُکم کوی ؟ ب : د هغو خلکو چی امانتونه ( او حقوق ) یې ستاسو سره دي ، هغه صحیح او پوره ادا کړئ .
۹ ـ د الله تعالی د تعبیر له مخی د اسرأ او معراج هدف څه و ؟ الف : چی خپل آیتونه ( نښانۍ ) ور وښیی .
۱۰ ـ پیغمبر علیه السلام او ابوبکر (رض) د مکې څخه تر وتلو وروسته چیری ولاړل ؟ الف : د ثور غار ته .
د روژې اتلسمه تحفه
روژه د جسم او روح دواړو لپاره ده . جسم د خوراک ، څښاک او جماع څخه منع وی . هر روژیاتی باید د غیبت ، درواغو ، تهمت ، چغلیو ، حسد او نورو څخه ځان پخپله منع کړی . په بل عبارت ، د روژه لرونکې بدن هغه دی چی لاس ، پښه ، سترګی ، غوږونه ، شرمګاه ، معده او زړه یې د ګناه کولو څخه روژه وی . یعنی سترګی یې حرامو ته د کتلو څخه ، غوږونه د حرامو اورېدلو ( مثلأ درواغ ، غیبت ، چغلی.... ) څخه ، لاس د حرامو اخیستلو ، پښې حرامو ته له ورتګه ، ژبه د درواغ ، فحش او باطل ویلو ، معده د خوړلو او څښلو ، شرمګاه د جنسی عمل څخه ډډه او مخنیوی وکړی . نو دا مهال بدن په رښتیا هم روژه نیولې ده . که داسی نه وی ، نو حیوان هم وږی ساتل کیدای سی خو هغه ته روژه نه ویل کیږی ! دا هم د روژې اتلسمه تحفه او خپل ځوابونه راولیږئ . باید ډاډ درکړم چی د ټولو برخو ځوابونه به د روژې تر ختمېدو وروسته انشاالله خپاره کړم . والسلام ( ن . صمد، nsamad57@hotmail.com).
پوښتنی :
۱ ـ هغه کوم پیغمبر دی چی په سورهً هود کی یې نوم څلور واره راغلی دی ؟
۲ ـ په قرآنکریم کی د څو فرشتو نومونه ذکر سوي دي ؟ نومونه یې وښیاست .
۳ ـ په سورهً یوسف کی د یوسف (ع) نوم څو واره ذکر سوی دی ؟
۴ ـ په سورهً الحجر کی په خاص ډول د کوم قوم یادونه سوې ده ؟
۵ ـ په کوم سورت کی الله تعالی د قرآن مجید د حفاظت ذمه پخپله اخیستې ده ؟
۶ ـ که روژه لرونکی ناړی ( لاړی ) په خوله کی جمع کړی او بیا یې تیری کړی نو څه کیږی ؟
الف : روژه فاسدوي ؛
ب : روژه مکروه کوی ؛
ج : هیڅ فرق نه کوی ؛
د : قضایی باید ونیسی .
۷ ـ په حلق کی د مچ یا غوماشی ( میاشی ) په تللو سره روژه څنګه ده ؟
الف : ماتیږی ؛
ب : نه ماتیږی ؛
ج : مکروه کیږی ؛
د : بله روژه باید ونیسی .
۸ ـ آیا کافر به همیشه د جهنم ( دوږخ ) په عذاب کی وی او که تر څه مودې وروسته فنا کیږی ؟
الف : تل به د دوږخ په عذاب کی وی ؛
ب : تر یو څه عذاب وروسته فنا کیږی ؛
ج : تر اوږدې مودې عذاب وروسته بخښل کیږی ؛
د : تر ډیر عذاب وروسته فنا کیږی .
۹ ـ تر ټولو لومړنی مسجد چی پیغمبر (ص) جوړ کړ کوم یو و ؟
الف : مسجد نبوي ؛
ب : مسجد قبا ؛
ج : مسجد قبلتین ؛
د : مسجد حرام .
۱۰ ـ د رسول الله (ص) کومی لور هجرت ونکړ ؟
الف : زینب (رض) ؛
ب : ام کلثوم (رض) ؛
ج : رقیه (رض) ؛
د : فاطمه (رض) .
او دا هم د نن زرین اصل : ګرانه وروره او محترمی خور ، کله چي ته د چا بدي وايې ، نو دا ته خپله بدي بيانوې . که هغه بد وی او که نه ، ته خو بد ( یا بده ) سوې !
د اتلسمی تحفې ځوابونه :
۱ ـ هغه کوم پیغمبر دی چی په سورهً هود کی یې نوم څلور واره راغلی دی ؟ ځواب : حضرت صالح (ع) .
۲ ـ په قرآنکریم کی د څو فرشتو نومونه ذکر سوي دي ؟ نومونه یې وښیاست .
ځواب : شپږ دي : جبرایل (ع) ، میکایل (ع) ، اسرافیل (ع) ، ملک الموت (ع) ، هاروت (ع) ، او ماروت (ع) .
۳ ـ په سورهً یوسف کی د یوسف (ع) نوم څو واره ذکر سوی دی ؟ ځواب : ۲۴ واره .
۴ ـ په سورهً الحجر کی په خاص ډول د کوم قوم یادونه سوې ده ؟ ځواب : د ثمود قوم .
۵ ـ په کوم سورت کی الله تعالی د قرآن مجید د حفاظت ذمه پخپله اخیستې ده ؟ ځواب : د الحجر سورت نهم آیت .
۶ ـ که روژه لرونکی ناړی ( لاړی ) په خوله کی جمع کړی او بیا یې تیری کړی نو څه کیږی ؟ ج : هیڅ فرق نه کوی .
۷ ـ په حلق کی د مچ یا غوماشی ( میاشی ) په تللو سره روژه څنګه ده ؟ ب : نه ماتیږی .
۸ ـ آیا کافر به همیشه د جهنم ( دوږخ ) په عذاب کی وی او که تر څه مودې وروسته فنا کیږی ؟ الف : تل به د دوږخ په عذاب کی وی .
۹ ـ تر ټولو لومړنی مسجد چی پیغمبر (ص) جوړ کړ کوم یو و ؟ ب : مسجد قبا .
۱۰ ـ د رسول الله (ص) کومی لور هجرت ورسره ونکړ ؟ الف : زینب (رض) .
د روژې نولسمه تحفه
پرون مو وویل چی روژه جسمانی او روحانی دواړه اړخونه لری او جسمانی روژه مو مختصرأ وشنله . خو روحانی اړخ یې دا دی چی روژه انسان متقی کوی ، یعنی : روح پیاوړی کوی ، توبه مساعدوي ، ګناهونه سوځوي ، معنوی او فرهنګی بیا رغونه ایجادوي او باالاخره ایمان ټینګوي . څنګه ؟ داسی که جسمانی روژه رښتیانۍ او صادقانه وی نو یو مسلمان به ډیر عبادات ، نوافل ، تسبیحات ، ذکر او تهلیل کوی ؛ تلاوت ، عفو ، ښه سلوک ، حوصله ، صبر ، حِلم او زغم ، تواضع ، صدقه او خیرات..... به کوی . نو ځکه روژه یوه روحانی توښه ده چی مسلمانان یې د ځانو سره آخرت ته وړی .
پوهانو ویلی دي چی معده د ډول ډول ناروغیو کور دی . د دغه کور صفایی او پاکي په همدې میاشت کی کیږی . نو الله دی د جسمانی او روحانی روژې د بشپړ مراعاتولو توفیق راکړی ، او دا هم نولسمه تحفه . ستاسو د ځوابونو په امید . زما له خوا به د ټولو برخو ځوابونه تر روژې مبارکی وروسته انشاالله خپاره سی . والسلام ( ن . صمد،nsamad57@hotmail.com).
پوښتنی :
۱ ـ د سورهً بنی اسراییل بل نوم څه دی ؟
۲ ـ په سورهً النحل کی د سجده آیت نمبر څو دی ؟
۳ ـ په سورهً بنی اسراییل کی سجده آیت کوم یو دی ؟
۴ ـ د سورهً النحل معنی څه ده ؟
۵ ـ د قرآنکریم کوم دوه سورتونه ۱۱۱ آیتونه لری او کوم دوه یې ۴۵ آیتونه لری ؟
۶ ـ آیا ښځه د خپل کور په هغه ځای کی اعتکاف کولای سی چی د لمانځه له پاره یې ټاکلی وی ؟
الف : هوکې ؛
ب : یا ؛
ج : مکروه دی ؛
د : ښځه اعتکاف نه کوی .
۷ ـ د مسنون او واجب اعتکاف له پاره روژه لرل شرط ده ؟
الف : یا ؛
ب : هو ،
ج : مباح دی ؛
د : اعتکاف نه مسنون وی نه واجب .
۸ ـ ملایکی ( فرشتې ) پر مسلمانانو کوم حقوق لری ؟
الف : د هغوی پر شتون عقیده لرل ، په کور کی عکس ، تصویر او سپیً نه ساتل ؛
ب : د ملایکو اطاعت کول ، مینه ورسره لرل ، ښه یې ښه بلل ؛
ج : دعا ورته کول ، خوشحاله یې ساتل ، غوښتنی یې منل ؛
د : ټوله صحیح دي .
۹ ـ د پیغمبر (ع) د جمعې د ورځی لومړنۍ خطبه چیری وه ؟
الف : په مسجد قبا کی ؛
ب : په مسجد حرام کی ؛
ج : د بنی سالم بن عوف د قوم په منځ کی ؛
د : د مدینې د انصارو په منځ کی .
۱۰ ـ کوم لوی یهودي عالم د رسول الله (ص) په وخت کی مسلمان سو ؟
الف : عبدالله بن سلام ؛
ب : حي ابن اخطب ؛
ج : کعب بن اشرف ؛
د : ټوله غلط .
او دا هم د نن زرین اصل : د حرام کسب او حرامی روزي یوه سزا دا ده چی دعا یې نه قبلیږې .
د نولسمی تحفې ځوابونه :
۱ ـ د سورهً بنی اسراییل بل نوم څه دی ؟ ځواب : سورهً الاسرأ .
۲ ـ په سورهً النحل کی د سجده آیت نمبر څو دی ؟ ځواب : آیت نمبر ۵۰ .
۳ ـ په سورهً بنی اسراییل کی سجده آیت کوم یو دی ؟ ځواب : آیت نمبر ۱۰۹ .
۴ ـ د سورهً النحل معنی څه ده ؟ ځواب : د شاتو مچۍ .
۵ ـ د قرآنکریم کوم دوه سورتونه ۱۱۱ آیتونه لری او کوم دوه یې ۴۵ آیتونه لری ؟
ځواب : سورهً بنی اسراییل او سورهً یوسف هر یو ۱۱۱ آیتونه لری ؛ سورهً فاطر او سورهً ق هر یو ۴۵ آیتونه لری .
۶ ـ آیا ښځه د خپل کور په هغه ځای کی اعتکاف کولای سی چی د لمانځه له پاره یې ټاکلی وی ؟ الف : هوکې .
۷ ـ د مسنون او واجب اعتکاف له پاره روژه لرل شرط ده ؟ ب : هو .
۸ ـ ملایکی ( فرشتې ) پر مسلمانانو کوم حقوق لری ؟ الف : د هغوی پر شتون عقیده لرل ، په کور کی عکس ، تصویر او سپیً نه ساتل .
۹ ـ د پیغمبر (ع) د جمعې د ورځی لومړنۍ خطبه چیری وه ؟ ج : د بنی سالم بن عوف د قوم په منځ کی .
۱۰ ـ کوم لوی یهودي عالم د رسول الله (ص) په وخت کی مسلمان سو ؟ الف : عبدالله بن سلام .
د روژې شلمه تحفه
شیخ الحدیث محمد زکریا صاحب داسی لیکلی دي : « د روژې میاشت د الله تعالی لخوا مسلمانانو ته انعام او نعمت دی . نو څومره به ښه وی که د دغه الهی انعام قدر وکړو . روژه د الله تعالی د محبوب ترینو عباداتوڅخه ده نو ارشاد فرمایی چی...... د روژې بدله زه پخپله ورکوم دا ځکه چی هغه خاص او خاص زما لپاره ده » . روژه د عبادتونو ، دعاوو او رحمتونو میاشت ده . په یو روایت کی راغلي چی الله تعالی د روژې په میاشت کی د عرش اوچتولو ملایکو ته حکم کوی چی خپل عبادتونه پریږدئ او د روژه لرونکو د دعاوو سره آمین ووایاست . نو الله دی د ډیرو دعاوو او استغفار توفیق راکړی . دا هم شلمه تحفه . لطفأ خپل ځوابونه راولیږئ . د ټولو برخو ځوابونه به انشاالله د مبارکی روژې تر ختمېدو وروسته اعلان سی . والسلام ( ن . صمد،nsamad57@hotmail.com).
پوښتنی :
۱ ـ د معراج پیښه د بنی اسراییل سورت په کوم آیت کی بیان سوې ده ؟
۲ ـ په سورهً کهف کی د کومو اصحابو ذکر سوی دی ؟
۳ ـ د سورهً بنی اسراییل کوم آیت په مدینه کی نازل سوی دی ؟
۴ ـ هغه کومه ښځه ده چی په قرآن کی صرف د هغې نوم ذکر سوی دی ؟
۵ ـ په سورهً کهف کی د موسی (ع) نوم څو واره ذکر سوی دی ؟
۶ ـ که د روژې د میاشتی قضایی روژه چا نیولې وی خو هغه ماته کړی نو ؟
الف : قضایی او کفاره دواړه لازم دي ؛
ب : یوازی قضایی لازمه ده ؛
ج : دواړه لازم نه دي ؛
د : اختیار لري .
۷ ـ په روژه کی د غاښ کښلو له امله چی وینی حلق ته نه وی تللی نو ؟
الف : روژه یې نه ماتیږی ؛
ب : روژه یې ماتیږی ؛
ج : روژه یې مکروه کیږی ؛
د : باید قضایی روژه ونیسي .
۸ ـ د منافق درې نښی کومی دي ؟
الف : بخیلي ، نامردي ، ظلم ؛
ب : زنا ، قمار ، شراب ؛
ج : درواغ ویل ، په امانت کی خیانت کول ، وعده نه پوره کول ؛
د : ټوله صحیح دي .
۹ ـ لومړنی هغه صحابي چی د اذان الفاظ یې په خوب کی واورېدل او پیغمبر (ص) ته یې خبر ورکړ څوک و ؟
الف : حضرت بلال (رض) ؛
ب : حضرت عمر (رض) ؛
ج :عبدالله بن زید انصاری (رض) ؛
د : ابن مسعود (رض) .
۱۰ ـ اذان په کوم کال کی شروع سو ؟
الف : اول هجري کال ؛
ب : دوهم هجری ؛
ج : درېیم هجری ؛
د : څلورم هجري .
او دا هم د نن زرین اصل : دا فکر مه کوه چي الله تعالی دعا ژر نه قبلوي ، بلکی دا شکر کوه چي الله تعالی زموږ د ګناهونو سزا ژر نه راکوي !
د شلمی تحفې ځوابونه :
۱ ـ د معراج پیښه د بنی اسراییل سورت په کوم آیت کی بیان سوې ده ؟ ځواب : په اول آیت کی .
۲ ـ په سورهً کهف کی د کومو اصحابو ذکر سوی دی ؟ ځواب : اصحاب کهف .
۳ ـ د سورهً بنی اسراییل کوم آیت په مدینه کی نازل سوی دی ؟ ځواب : ۷۴ نمبر آیت .
۴ ـ هغه کومه ښځه ده چی په قرآن کی صرف د هغې نوم ذکر سوی دی ؟ ځواب : حضرت مریم (ع) .
۵ ـ په سورهً کهف کی د موسی (ع) نوم څو واره ذکر سوی دی ؟ ځواب : دوه واره .
۶ ـ که د روژې د میاشتی قضایی روژه چا نیولې وی خو هغه ماته کړی نو ؟ ب : یوازی قضایی لازمه ده .
۷ ـ په روژه کی د غاښ کښلو له امله چی وینی حلق ته نه وی تللی نو ؟ الف : روژه یې نه ماتیږی .
۸ ـ د منافق درې نښی کومی دي ؟ ج : درواغ ویل ، په امانت کی خیانت کول ، وعده نه پوره کول .
۹ ـ لومړنی هغه صحابي چی د اذان الفاظ یې په خوب کی واورېدل او پیغمبر (ص) ته یې خبر ورکړ څوک و ؟
ج :عبدالله بن زید انصاری (رض) .
۱۰ ـ اذان په کوم کال کی شروع سو ؟ الف : اول هجري کال .
د روژې یوویشتمه تحفه
متدینو دوستانو ، د مبارکی روژې دوې لسیزی تیری سوې چی لومړنۍ د رحمت او دوهمه د مغفرت وه . نن د روژې مبارکی درېیمه لسیزه پیل سوه چی له دوږخه د نجات عشره ده . ښه به دا وی چی ( اللهم اجرنی مِن النار ) او نور تسبیحات ووایو او د خدای څخه د جنت طلب وکړو . ځکه دا د لیلة القدر لسیزه ده .
رسول الله (ص) فرمایلی دي چی زما امت ته د روژې په هکله پنځه داسی شیان ورکول سوي دي چی پخوا نورو امتونو ته نه وو ورکړل سوي :
لومړی ـ د خولې بد بویی یې د الله لپاره تر مشکو هم د خوښۍ وړ ده ؛
دوهم ـ د هغوی لپاره آن تر ماهیانو پوری لا هم هر څه دعاوی کوی او هغه تر روژه ماتې پوری کوی ؛
درېیم ـ جنت هره ورځ د دوی لپاره سمیږی او الله ورته فرمایی چی ژر به زما بنده ( د د نیا ) مشقتونه پر ځان تیر کړی او تا ته به راسی ؛
څلورم ـ شیطان ورڅخه قید سوی دی تر څو هغسی بدیو ته یې نه بوزی چی په غیر رمضان کی به یې بیویً ؛
پنځم ـ د روژې په آخري شپه به د روژه لرونکو لپاره مغفرت کیږی .
اصحابو ورڅخه وپوښتل چی آیا د وروستۍ شپې څخه مطلب د لیلة القدر شپه ده ؟ ویې فرمایل چی یا ، بلکی دستور دا دی چی مزدور ته اجوره د کار تر ختمیدو وروسته ورکول کیږی . نو په همدې امید لطفأ یوویشتمه تحفه ولولیً، خو د ګرانو فېسبوک والو څخه هیله ده چی د کومی برخی د اقتباس په صورت کی اصولأ د لیکوال اجازه باید واخلي یا نوم یې ورسره ذکر کړی ، والسلام ( ن . صمد،nsamad57@hotmail.com).
قاتل او مقتول کله دوږخیان وی ؟
په حدیث کی راغلي چی رسول الله (ص) وفرمایل :
هر کله چی دوه مسلمانان یو پر بل توره راوباسي ، نو قاتل او مقتول دواړه دوږخ ته ځي . ورته ویې ویل چی یا رسول الله (ص) ! قاتل خو معلوم دی ، مقتول څه ګناه کړې وی ؟
ویې فرمایل : هغه هم د مقابل طرف قتل غوښت ( متفق علیه ) .
هو ، اسلام د یو بېګناه انسان وژل د ټول بشریت د وژلو سره معادل بولی او د یو انسان ژغورل بیا د ټول بشریت د ژغورلو معادل بولی ( المایده ـ ۳۲ ). رسول الله (ص) د مسلمان وژل د کفر طریقه او د جاهلیت د مهال یو کرغیړن عمل بللی دی ( بخاری ). خو متأسفانه نن موږ ګورو چی په ډیرو اسلامي هیوادو ، منجمله افغانستان کی مسلمانان داسی سره وژنی لکه ځناوران . نو آیا د خپل منځي جنګونو دغسی قاتلین او مقتولین اصلی مسلمانان کېدای سي ؟ پس الله دی یې اصلاح کړی ، که نه الله دی یې تباه کړی .
مناجات
درنو لوستونکو، د مسلمانانو تر ټولو تېره وسله دعا ده . په دنیا کی تر ټولو تیز او ګړندی شی دعا ده ، دا ځکه چی هغه د زړه څخه ژبې ته د رسېدو څخه مخکی خدای ته رسیږی . نو راځی چی دا برخه دعاوو او مناجات ته وقف کړو.
یا پروردګاره ! موږ دې پيدا کړو ، خو موږ له ياده وايستې . موږ ته دې روزي راکړه ، خو موږ ناشکري وکړه . موږ دې په سختيو و ازمايلو تر څو تا ياد کړو ، خو موږ شکايت وکړ . موږ ته دې مهلت راکړ ، خو موږ بې پروایی وکړه . موږ ته دې نېکي اسانه کړه ، خو موږ لمن سورۍ کړه . موږ دې د جنت لیوال کړو ، خو موږ یې لاره ورکه کړه او ګمراه سوو . موږ دې له دوږخه وبیرولو ، خو موږ ورمنډه کړه .
نو یا الله ! که موږ ته د جهنم د اور په واسطه عذاب راکړې ، نو دا په خپله موږ غوښتي دي او د دې وړ يو او پر موږ دې هیڅ ظلم نه دى کړی .
که دې موږ جنت ته داخل کړو او ښه بدله دې راکړه ، نو دا یوازی ستا فضل او کرم دی ، ځکه زموږ عملونه د دې وړ نه دي چی په هغو سره جنت ته ولاړ سو . نو یا الله ! بس ستا کرم او رحم ته مو تمه ده او تا ته لاسونه لپه کوو . فریاد مو واوره او راباندی ورحمیږه . و ما ذالک علی الله بعزیز!
د یوویشتمی تحفې ځوابونه :
۱ ـ د اصحاب کهف معنی څه ده ؟ ځواب : غار والا ( په غار کی اوسیدونکي ) .
۲ ـ په قرآنکریم کی یوازینی ځای چی الله تعالی د رسول الله (ص) غوښتنه رد کړه چیری دی ؟ ځواب : التوبه ، آیت نمبر ۸۰ .
۳ ـ په سورهً طه کی د کوم پیغمبر نوم ډیر ذکر سوی دی ؟ ځواب : د حضرت موسی (ع) نوم .
۴ ـ الله تعالی په سورهً الانبیأ کی رسول الله (ص) په کوم لقب سره یاد کړی دی ؟ ځواب : رحمته للعالمین .
۵ ـ د اصحاب کهف د ۳۰۹ کالو د بیده کېدو خبره په کوم آیت کی ذکر سوې ده ؟ ځواب : په آیت نمبر ۲۵ کی .
۶ ـ د رسول الله (ص) لومړنۍ غزا کومه یوه ده ؟ ب : ودان .
۷ ـ د بدر د غزا داستان په کوم سورت کی راغلی دی ؟ الف : الانفال .
۸ ـ که د لمبېدو پر مهال سهوأ په ستونی کی اوبه ولاړی سی نو ؟ الف : روژه ماتیږی او باید قضایی راوګرځوی .
۹ ـ که روژه لرونکی په خبرتیا سره جماع وکړی نو ؟ الف : قضایی او کفاره دواړه لازم دي .
۱۰ ـ د قیامت په ورځ چی تر څو فیصله نه وی سوې نو د کومو خلکو په غاړه کی به اووه مځکی د طوق په شان ور لوېدلي وی ؟ ب : د مځکی د غاصبینو په غاړه کی .
د روژې دوه ویشتمه تحفه
د روژې درېیمه لسیزه له دوږخه د نجات لسیزه ده چی پرون پیل سوه . دا لا څه ، د روژې د میاشتی درېیمه عشره د قرآن د نزول او د اسلام د ظهور لسیزه هم ده . په دغه لسیزه کی د لیلة القدر مبارکه شپه واقع ده چی یوه له طاقو شپو څخه ده . په دغه شپه قرآن نازل سوی دی ؛ دغه شپه تر یو زر میاشتو هم بهتره ده ؛ په دغه شپه تر سهاره امان وی او الله (ج) فرمایی چی که څوک هر څه وغواړی زه یې اجابت کوم . نو هیله ده چی د بخښلو دغه لسیزه وړیا راڅخه تیره نسی ، او دا هم دوه ویشتمه تحفه . ستاسو د ځوابونو په هیله . البته د ټولو برخو ځوابونه به تر روژې وروسته انشاالله اعلان سی ، والسلام ( ن . صمدnsamad57@hotmail.com) .
پوښتنی :
۱ ـ په سورهً طه کی د موسی (ع) نوم څو واره ذکر سوی دی ؟
۲ ـ په الانبیا سورت کی تر ټولو اول د کوم پیغمبر نوم ذکر سوی دی ؟
۳ ـ هغه کوم سورت دی چی شروع یې د هماغه سورت د نوم څخه کیږی ؟
۴ ـ فرقان یعنی څه ؟
۵ ـ په سورهً طه کی د رسول الله (ص) د مشهوری دعا ( رب زدنی علمأ ) اړونده آیت څووم دی ؟
۶ ـ که د چا روژه وی خو بل چا ته وینه ورکړی نو ؟
الف : روژه یې ماتیږی ؛
ب : روژه یې نه ماتیږی ؛
ج : مکروه کیږی ؛
د : باید فدیه ورکړی .
۷ ـ د سخت کار له امله هم د روژې پریښودلو اجازه نسته . خو که یې په روژه کی حالت مخدوش سی او روژه ماته کړی ، نو څه کیږی ؟
الف : یوازی کفاره لازمه ده ؛
ب : یوازی قضایی لازمه ده ؛
ج : قضایی او کفاره دواړه لازم دي ؛
د : روژه یې په دې شرط صحیح ده چی ځان موړ نکړی .
۸ ـ د قیامت په ورځ به لمر د خلکو د سرونو څخه څومره لوړ وی ؟
الف : نیم میل به لوړ وی ؛
ب : یو میل به لوړ وی ؛
ج : دوه میله به لوړ وی ؛
د : درې میله به لوړ وی .
۹ ـ پیغمبر (ص) د هغو یهودیانو سره څه وکړل چی عهد او پیمان یې مات کړ ؟
الف : هغوی یې له مدینې وشړل ؛
ب : هغوی یې غلامان کړل ؛
ج : هغوی یې ووژل ؛
د : هغوی یې بندیان کړل .
۱۰ ـ د احد په جنګ کی څوک په مدینه کی د رسول الله (ص) ځای ناستی و ؟
الف : عبدالله بن ام مکتوم (رض) ؛
ب : حضرت بلال بن رباح (رض) ؛
ج : حضرت ابوبکر (رض) ؛
د : ټوله غلط دي .
او دا هم د نن زرین اصل : فضيل بن عياض رحمه الله ویلی دي : قران د دې له پاره نازل سوی دی چی عمل پرې وکړو ، خو خلکو یې لوستل عمل وګرځاوه
د دوه ویشتمی تحفې ځوابونه :
۱ ـ په سورهً طه کی د موسی (ع) نوم څو واره ذکر سوی دی ؟ ځواب : ۱۴ واره .
۲ ـ په الانبیا سورت کی تر ټولو اول د کوم پیغمبر نوم ذکر سوی دی ؟ ځواب : حضرت ذوالکفل (ع) .
۳ ـ هغه کوم سورت دی چی شروع یې د هماغه سورت د نوم څخه کیږی ؟ ځواب : سورهً طه .
۴ ـ فرقان یعنی څه ؟ ځواب : فرق کونکی .
۵ ـ په سورهً طه کی د رسول الله (ص) د مشهوری دعا ( رب زدنی علمأ ) اړونده آیت څووم دی ؟ ځواب : ۱۱۴ نمبر آیت دی .
۶ ـ که د چا روژه وی خو بل چا ته وینه ورکړی نو ؟ ب : روژه یې نه ماتیږی .
۷ ـ د سخت کار له امله هم د روژې پریښودلو اجازه نسته . خو که یې په روژه کی حالت مخدوش سی او روژه ماته کړی ، نو څه کیږی ؟ ب : یوازی قضایی لازمه ده .
۸ ـ د قیامت په ورځ به لمر د خلکو د سرونو څخه څومره لوړ وی ؟ ب : یو میل به لوړ وی .
۹ ـ پیغمبر (ص) د هغو یهودیانو سره څه وکړل چی عهد او پیمان یې مات کړ ؟ الف : هغوی یې له مدینې وشړل .
۱۰ ـ د احد په جنګ کی څوک په مدینه کی د رسول الله (ص) ځای ناستی و ؟ الف : عبدالله بن ام مکتوم (رض) .
د روژې درویشتمه تحفه
قدرمنو دوستانو ، پوهانو ویلی دي چی په روژه مات کی باید دومره غذا و نه خوړل سی چی د نس کڅوړه ډیره تخته او ډکه سی چی له امله یې نه هغه انسان سمه ساه اخیستلای سی ، نه سمی او آرامی خبری کولای سی ، نه سم کښینستلای سی..... نو ځکه رسول الله (ص) فرمایلی دي چی « د آدم (ع) اولاد د خپل نس څخه بل ناکاره لوښی نه دی ډک کړی . »
روژې ته الله تعالی ځکه د نورو یوولسو میاشتو په نسبت ډیر اهمیت ورکوی چی اول خو یې دا خپله میاشت بللې ده ، او دوهم دا چی هدف یې دا دی چی که یې بندګانو په دا نورو ۱۱ میاشتو کی په خپلو دینی عباداتو او نیکیو کی غفلت ، سُستي او بې پروایي کړې وی نو په دې میاشت کی هغه جبران کړی او دا یوه بهترینه موقع ده چی هره نیکی او عبادت څو چنده عوض لری . نو دا هم درویشتمه تحفه ، او ستاسو د ځوابونو په تمه . باید وویل سی چی د ټولو برخو ځوابونه به د روژې څخه وروسته انشاالله خپاره سی ډاډه اوسیً . والسلام ( ن . صمد nsamad57@hotmail.com ).
پوښتنی :
۱ ـ النمل څه معنی ؟
۲ ?
