امريکايانو پــــــــــــــه افغانستان کې له بشري حقونو سرغړونې کـــــــــــړې دي

روسيه:

 امريکايانو په افغانستان کې له بشري حقونو سرغړونې کړې دي

په افغانستان کې د بهرنيو ځواکونو د يولس کلن شتون پر مهال له بشري حقونو په ځلونو سرغړونې شوې دي، خو د دغو سرغړونو په اړه د بشري حقونو د دفاع ټولنو په ګډون د بهرنۍ نړۍ غبرګونونه تر ډېر تيت او يا هم په نشت حساب دي.

د امريکايي او ناټو ځواکونو په لاس د ملکيانو له وژنې را نيولې بيا په زندنانو کې د ماشومانو تر ساتلو هر څه شوي، خو د ملګرو ملتونو د بشري حقونو د کمېسيون په ګډون له بشري حقونو د دفاع ټولنې تر ډېره چوپه خوله پاتې شوې دي.

د امريکايي ځواکونو له لوري پر بشري حقونو د تيري وروستۍ مورد په بګرام زندان کې د سلګونه داسې افغان ماشومان ساتل دي چې عمرونه يې آن له ١٢ کلونو لږ دي. د امريکا بهرنيو چارو وزارت په دې وروستيو کې ملګرو ملتونو ته د څلورو کلنو په رپوټ کې ويلي وو چې دوى ٢٠٠ افغان ماشومان په دې نوم چې کواکي په دغه هېواد کې د مېشتو امريکايي ځواکونو لپاره ګواښ دي نيولي دي.روسيې د امريکايانو له لوري د دغو ماشومانو د نيونې پر وړاندې غبرګون ښوودلى دى.روسيه وايي امريکايي ځواکونو په افغانستان کې د بشر له حقونو څرګندې سرغړونې کړې دي. د بشري حقونو په برخه کې د روسيې د بهرنيو چارو وزارت استازى وايي امريکايي ځواکونو له ٢٠٠٨ کال را وروسته په افغانستان کې په ځلونو بشري حقونه تر پښو لاندې کړي دي. سرچينې په ځانګړي ډول د امريکايي ځواکونو له لوري د افغانان ماشومانو پر نيول کېدو اندېښنه څرګنده کړې  او ويلي يې دي چې دا کار د بشر له حقونو څرګند سرغړاوى دى. د بشري حقونون په برخه کې د روسيې د بهرنيو چارو وزارت استازى وايي امريکا په افغانستان کې له امريکايي ځواکونو سره د بندي افغان ماشومان کره شمېره نه ده په ډاګه کړې. ده ويلي له امريکايي ځواکونو سره د بندي افغان ماشومان شمېر تر هغه څه زيات دى چې د امريکا بهرنيو چارو وزارت يې ملګرو ملتونو ته رپوټ ورکړى دى.

له لوی افغانستان څخه په مننه

دیوبل خبر له مخې روسیه په افغانستان کې دامریکايي قواووداوږدمهاله شتون مخالفت کوي:

دنښــــــــــــتر ویبــــــــلاګ یادښـــــــــــت:

اشغال ، تجاوز اوربړونه که دهرچالخواپه هرچاوي محکوم دي روسانوهم دخپلو اوږدو موخو لپاره زموږپه ګران افغانستان تجاوز وکړ اشغال یې کړ لس کاله یې بمورۍ پرې  وکړې اوډېر یې زیانمن کړ.

روسانوبمورۍ دجګړې ددوام لپاره نه کولې خوامریکایان او ورسره داړونکي بیا برعکس په لوی لاس ملکي هدفونه تربموریولاندې نیسي په ودونو، دخوښیوپه محفلونواو آن په جنازوهم بمورۍ کوي ترڅوولسي وګړي په تنګ کړی.

ددې ترڅنګ دګوانتانامو،بګرام او نورزندانونه هم دهمدې هدف لپاره کارول کیږي خو روسانوزندانونه نه لرل او نه یې په ماشومانوغرض درلود.

له دوو دریوسووڅخه دزیاتو ماشومانوزنداني کول او ربړول یوازې ددې لپاره ده، چې ددغوماشومانو کورنۍ،خپل اوخپلوان په غوسه اوبلاخره جګړې ته اړایستل شي تر څواوبه همداسې پسې خړې پاته اوراغلي نابللي پکې ترډېره کبان ونیسي.