یاداشت :  زاخیلوال صیب او لودین صیب ولسي جرګی ته د فساد د تورنو د سپیناوي په موخه غوښتل شوي دي معلومه نده چې دا ورځ به کله راځي او د ولس نماینده ګان به د زاخیلوال صیب په هکله څنګه پرېکړه  کوي خو ګمان مې نشي ځکه چې د اختر د ورځو او د (پنج شنبو ،جمعو )د ورځو د رخصتي نه به جناب زاخیلوال صیب بیا ډیره ګټه اخیستې وي ډیر  وکیلان به یې کتلي راکتلي وي .

دا یو واقعیت دی پدې به سترګې نه پټوو اوله داسې شېبو نه بیا نو د ولس نماینده ګان ډېره ښه ګټه اخلي چېرته چې یې کړوسي هم بېکاره وي نو د مالیی په وزارت کې هغه هم په ګمرکاتو کې بدون ددې نه چې تحصیلي سویه یې وکتله شي او یا هم د نافذه قوانینو په رڼا کې مقرر شي  په فوق العاده ډول مقرریږي.

فکر نه کوم چې چېرته هم دوی د افغانستان نافذه قوانین د بل په لاس کی هم لیدلي وي لوستل او عملي کول یې ډېره لرې خبر ده او که له قانونه خبر هم وي پدې ډاډه دي چې دا شهر نا فرسان دی ځکه  دوی پخپله هم قاضیان دي ، هم قانون پوهان، هم څارنوالان، هم اصلاحات اداري او هم . . . که نه نو پورتني مکتوبونه دې له حقوقي او قانوني اړخه وڅېړي چې ټولو ته جوته شي ، کنه نو یو ځل دې له مخې ولولي یو د بیت المال پیسې دي او بل هم د یو تن د خدمت د تمدید موضوع ده .

دځنګل قانون نورڅنګه وي؟

لکۍ لري او که ښکرونه .. ددې مافیايي کړیو د نابودي په هیله .