بهرني ځواکونه په افغانستان کې ټېلفوني خبرو ته غوږ نيسي

خبري سرچينې په افغانستان کې وايي، چې بهرني ځواکونه په دغه هېواد کې ټولې ټېلېفوني خبرې او ليکنۍ اړيکې څاري، غوږ ورته نيسي او لولي يې.

 له هغه مهاله چې بهرني ځواکونه افغانستان ته راغلي دوی له ترهګرۍ سره د مبارزې په نامه دغه ډول ناقانونه کړنې ترسره کوي او هغه مخابراتی وسليل چې افغانستان ته ورکوي د دوی تر کنټرول لاندې وي. که څه هم بهرنيان وايي چې دوی د خلکو شخصي حريم ته درناوی کوي، خو د شپې د تلاشیو په څېر دوی د خلکو پر شخصي خبرو او اړيکو هم تلاشي لګولې ده. نړيوال بانک وړاندوينه کړې، چې د 2011 کال تر پايه به په افغانستان کې د ټېلېفون لرونکو شمېر  19 ميليونو ته ورسېږي او همدا اوس کابو د کور نيمايي مېرمنې  له ګرځنده ټېلېفون څخه کار اخلي. دا سې اټکل کېږي چې طالبان پر مخابراتو د بهرنيانو له کنټرول څخه وېره لري او له همدې امله يې د 2011 کال په لومړيو دريو مياشتو کې پر مخابراتي بنسټونو 52 بريدونه ترسره کړي دي.

امين الله هوتک

له روهي ویبپاڼۍ څخه په مننه