مرم له هر شهید سره
http://larawbar.com/peace/?p=2585
۰۴ـ۰۶ـ۲۰۱۱
هم غله کورته راولي هم ویښ له خوبه ماکړي
هم مې ښه پرې لوټ کړي هم په ما باندې ژړا کړي
نه یم ګیله من له بل چا سرې لمبې خو تا راوړې
لر اوبر سوځیږي ولسونه واویلا کړي
دا څنګه یاري ده په تدبیر یې نه پوهېږمه
هم مې کلک په زلفوتړي هم ټینګه خوله راکړي
راغلل داسمان له سره داسې ښه زړه سواند خلګ
خپل ځان یې هېر کړی غواړي موږ خواران بسیا؟؟ کړي
موږ لیږي جنت ته خو پخپله یې زړه نه کیږي
څوک په واسکټو ځوک په بموکې په هوا کړي
حورو اوغلمانوته شېخ ږیره اوږده کړې وه
اوس یې جام په لاس کې له مینا سره ګډا کړي
اوږد مزل یې لنډ کړ کونج یې پرېښوداوس مزې کوي
نه دچا عزت ګوري نه هم د چا پروا کړي
ښه جهاد ؟؟مو وکړ شاباش ژر ژر ږیرې وخرېیئ
ای د دین دښمنو لایزال به مو رسوا کړي
څنګه ؟ خوند یې درکړ له پردیو پاچا هي غواړئ؟
اه دیتیمانو به مو یو یو پو پنا کړي
مرم له هر شهید سره په هره کونډه ویرکوم
څو به دا تقدیر بسمله موږ سره جفا کړي
درنو لوستونکو!
پورتنی شعر مې یو څه په بیړه ولیکه که کومه سهوه پکې وي ما وبښئ همدا اوس په جرمني کې دشپې له دریو بجو ورواوښتې ستړی او ستومان یم خو ددې شعر په لیکلو سره مې روح یوڅه ارام وکړهیله ده چې ستاسو هم خوښ شوی وي .
په درنښت
یادونــــــــــــــــــــــــــــــــــــــــــــــــــــــــه :
زه انځور ګر نه یم ، دغه ټول انځورونه دنوروبا احساسو وګړو په مټ اخیستل شوي چې زه ورنه منننه کوم .
