دهلمندولايت دڅوشاعرانو په رديف جوړسوي شعرونه
قدرمنولوستونكوموږ ټولوشاعرانوته يوه قافيه اورديف وركړى ؤ خوبعضو يې قافيه بدله كړې ده رديف يې هغه دى خوستاسولوستلوته يې وړاندي كووخداى دي وكړي چي ادبي تنده موپه ماته سي
سردارمحمدصديقي
زما په فکر
داچي توره شپه سباده زماپه فکر
دجانان دمخ رڼاده زماپه فکر
چي دسترګودپردوخوبونه بيايي
ددې ښکلوداخطاده زما په فکر
ګام پرګام چي دلونګوبوی زياتيږي
دادياردکلي خواده زماپه فکر
چي دزړه پرودان کوراورونه بل کړي
ديارسترګي امريکاده زماپه فکر
له رقيب چي دبيلتون خبري اورم
دغه پرېکړه کړې تاده زماپه فکر
چي دعشق بېړۍ مي هيڅ طرف ته نه ځي
راپسې دچاښېراده زماپه فکر
داچي نن له صديقي نه قسات اخلي
ښکلوبياکړې سلاده زماپه فکر
الحاج محمداسماعيل شريعت يار
زماپه فكر
چي په پرخه مي بيدياده زماپه فكر
دغه مينه دليلاده زماپه فكر
دبيلتون په توره سومه زخم زخم
دتقديرخوښه همداده زماپه فكر
زړونه وړي پربازارونوزوردحسن
پرتدبيرباندي خنداده زماپه فكر
پرعقلونوتدبيرونوتوره شپه ده
دحيرت خپره فضا ده زماپه فكر
په خلوت كي رڼائي ويني له خلګو
دادميني انتها ده زماپه فكر
كه ارام دى كه سكون شريعت ياره
هم دوعاده هم ژړاده زماپه فكر
غوث الله مجروح
زماپه فكر
زندګى ټوله ستړياده زماپه فكر
هره خواظلم وجفاده زماپه فكر
دتورتم لمن خپره پرټول وطن سوه
خپه سوې چي رڼاده زماپه فكر
نړۍ ټوله دنفرت لمبواخيستې
خوستي په كښي آسياده زماپه فكر
اوبه خړي كړي ماهيان ورپه كښي نيسي
پاليسي دڅنګ اشناده زما په فكر
په نفاق اوځان ځانۍ څه نه جوړيږي
ځكه دالاره خطا ده زماپه فكر
چي مجروح زړه ئي ټكوردميني غواړي
داغزل دهغه چاده زماپه فكر
عبدالها دي عمري
زماپه فكر
داچي ښكلې ده زيباده زماپه فكر
دجانان دكلي خواده زماپه فكر
سباوون ورته نيمګړۍ غوندي ښكاري
دادياردمخ ښكلا ده زماپه فكر
جدائي دياردشپې يم ژړولۍ
بله شمعه په ګواده زماپه فكر
سپيني روڼي تجلې ئي پورته كيږي
دادتوركميس ليلاده زماپه فكر
په ازل كي مي په برخه محبت دى
خوهجران راته بلاده زماپه فكر
په ډاډه زړه به ورځم دياركوڅې ته
داكوڅه مي دآقاده زماپه فكر
عمري دجانان هروصيت منمه
دغه لاره دبقاده زماپه فكر
ددغودووشعرونورديف دغه دى خوقافيه يې بدله ده
حزب الله اسحاق
زماپه فكر
ورځ په ورځ موغم ډيريږي زماپه فكر
دظلمت هواخپريږي زماپه فكر
دپوښتني څوك مونسته تنهائي ده
دباسخاس خلك وركيږي زماپه فكر
دبلبل ژبه ګونګۍ سوه ږغ ئي نسته
دباغوان به باغ وچيږي زماپه فكر
دپخواپه شان دخلګودوستي نسته
نن دميني زوركميږي زماپه فكر
اوس له خلګومينه وركه ده دوكې كړي
رقيبان باندي خنديږي زماپه فكر
دميزان ورځ راروانه ده تيارسئ
هلته هرڅه پوښتل كيږي زماپه فكر
څوك چي نه اخلي پندونه دناصيحو
داعقلونه باطل ليږي زماپه فكر
داسحاق قلم په لاس كي دى زيارباسي
دشعرولړۍ زياتيږي زماپه فكر
رفيع الله ايثار
زماپه فكر
توره شپه توره تياره وه زماپه فكر
سپوږمۍ نه وه شمعه مړه وه زما په فكر
صرف يوزه وم دجانان په تصوركي
داعجب غوندي صحنه وه زما په فكر
ليوني په شان كړم ځان سره خبري
په سحرامي ګذاره وه زماپه فكر
دهجرانه مي وجودزره زره وو
په زړګي مي زلزله وه زماپه فكر
په ټول ژوندكي مي غمونه ميلمانه وه
روڼه اوښكه مي كوربه وه زماپه فكر
زې دحسن په سره اوريمه سوځلى
داعجب شاني نشه وه زماپه فكر
ديارهجركړم بيتابه ناكراريم
عاشوقي دي راسره وه زماپه فكر
شپه سوه تيره زه ايثارسرې سترګي ناست يم
داخيالات څومره خواږه وه زماپه فكر
