- غزل
ستا د مغرور حسن په رګ رګ کې یې لارې وکړې
د زړه شغلو مې په تا څه عجیبه چارې وکړې
ما د یو چا نوم پسې ښې ډېرې کوکارې وکړې
خو راویاتو مې په زړه باندې شوکارې وکړې
دغه نجلۍ دې د هندارې مخ ته نه ودریږي
دغې نجلۍ نو څه کانې په دې هندارې وکړې
توبه ، توبه د خدای تعالی عرش یې هم ولړزواه
یوه ظالم ته نن ښیرا یوې خېرمارې وکړې
ما ، که په ( ګرانې ) و بللې ، ما ګناه وکړه ، خو
ته ثوابي شوې ، تا کنځا راته څو وارې وکړې
- زما د زړه په هره برخه یې خپل فن و مانه
زما په زړه لوبې د ښار یوې فنکارې وکړې- فضل الربي رستم
- فضل الربي رستم
