غزل
د زړه په زور د زړه په راج به مې اماج ته رسم
د عاجزۍ په احتجاج به مې اماج ته رسم
زه ښه پوهیږم . نابلده یم ، سختي به وي خو
د دعاګانو په علاج به مې اماج ته رسم
چلیګر نه یم ژوند ته نوم د چلبازۍ نه ږدمه
په خپل اخلاص په خپل مزاج به مې اماج ته رسم
لکه د مینې پيغمبر د فرښتې په مرسته
نفرت نه لرې په معراج به مې اماج ته رسم
زه په همت تقدیر شکوونکی تروږمیو کې هم
بې له ډیوې ، بې له سراج به مې اماج ته رسم
رستم
15.06.2011
- فضل الربي رستم
غزل
نن مې مودې وروسته د داسې یو چا غږ واوریده
ورسره ګډ مې دخپل زړه د درزا غږ واوریده
...
28.06.2011
- فضل الربي رستم
غزل
تا لرمه ، ستا د یاد کعبه لرم خوشحاله یم شکر مقدسه حافظه لرم، خوشحاله یم ستا د (هو) او( نه) ځواب ته نه ورخطا کیږمه زه مې په خپل زړه کې فیصله لرم خوشحاله یم زه د وخت ناندریو ته وخت نه لرم بې غمه یم زه د چا په سترګو عقیده لرم خوشحاله یم
ستا له تګ نه وروسته په ما څه وشول؟ خو هیڅ هم نه زړه که مې هغه نه ، ژوند...
