قدرت اله درمان خوست

                 غزل

ستا د راتلو لارې مې کتې درپسې  ووتــــــــــــــې

له سترګو مې د اوښکو قافلې درپسې  ووتــــــــــې

ته د يې د خپل قاتل نظره  اشنا څه خبـــــــــــــــــر

ډيرو نه ساه ګانې  بې نيټې درپسې  ووتــــــــــــې

ته يې د ګودر په غاړه وليدلې شيخ کــــــــاکــــــــا

ناڅاپه يې له خولې نه کليمې درپسې  ووتـــــــــــې

چيرې به د پښه څپلۍ يو ځاى نه شي دا ښه واوره

يو ځل که مې د سوي زړه ښيرې درپسې  ووتــې

ته دې د خپل حسن اندازه له مانه څه پوښتـــــــــې

وه ياره د ډيرو خلکو خولې درپسې  ووتـــــــــــې

 

درمانه ستا د تللو غم يواځي تش په تا نـــــــــه وو

ډيرې جينکۍ تر دروازې  درپسې  ووتـــــــــــــې

قدرت اله درمان خوست