پام کوه زلفې راخورې چې نه کړې
پکې ورېڅې بارانونه پټ دي
هسې نه مونږه پرې لامده خيشته کړې
[][][][][][][][]
په لاس خبرې، سترګکونه وهي
او صفايي د لاسو ډېره لري
اشنا خو سم د مداري غوندې دی
[][][][][][][][]
ويسيارخانه کې مې يو شېخ وليده
په يوه لاس کې يې تسپې پرتې وې
او په بل لاس کې انګرېزي فلمونه
[][][][][][][][]
په ما به دا پابندي نه لګوئ
دواړه ملکونه خو زه خپل ګڼمه
که پېښور، که په کابل کې اوسم
[][][][][][][][]
په انټرنېټ کې يو هلک او جلۍ
پخپله حل کړه د واده مسله
نور د جرګو مرکو څه پاتې شول
[][][][][][][][]
تر شپاړسمه مې تعليم کړی دی
نوکري نشته دی ټاټکی چلوم
ګوره دا سر چې مې ګنجی ګنجی دی
[][][][][][][][]
تورو چشمو کې ډېره ښه ښکارېده
ما ويل، چې ښکلې وي، نو داسې دې وي
چې چشمې يې لرې کړې، کاڼۍ وخته
[][][][][][][][]
خيال باچا(مفتون)
