له ښایسته دي فتنې را ولاړېږي
یوه چې غلې کړمه، دوې را ولاړېږي
د خانانو د کتلو له اندازه
غریبانو ته کیسې را ولاړېږي
پاچاه ګرم نه دی پر بدو ولسونو
لمبه هر وختې له کښې را ولاړېږي
موږ خو بیا هم ساوې اخلو او ژوندي یو
وایي مړي درپسې را ولاړېږي
نو د ورځې به یې څه مخالفت کړې
چې یو څوک په چا د شپې را ولاړېږي
ښکلیو ستاسې د پاولیو شرنګهار ته
هر یو غورځوي اوږې، را ولاړېږي
څوک به دلته نور د چا احترام وکړي
چې تصویر په آیینې را ولاړېږي
د ريبار هم دا څوومه مرکه ده
چې له تا بې نتیجې را ولاړېږي
را ولاړه شه، راځه د زړګي سره
ته که نه شولې لانجې را ولاړېږي
ژوند ته نشته اشتها قراره ګله
د هغو خلکو چې نې را ولاړېږي
26.05.2011
- مجیدالله قرار
سترګې دې رڼې کړي د سرو وینو تجار چېرته دیړوند دي شي په دواړو، په پښتون کې کفار چېرته دی
دلته خو ظالم لا د فتوا په حفاظت کې دیڅه شوئ مظلومانو، هغه ستاسې ازار چېرته دی
ما یې کیسې ډېرې اورېدلي وې خو کومه ده،لویه پکتیا چېرته ده، او لوی کندهار چېرته دی
مار به یې ساتلی وي، او خلکو ته به وایي چېخدای که به خبر یمه له سره چې مار چېرته دی
راشي د رنډیو له هېواده، پاکې خاوري تهلا به خب...
22.06.2011
- مجیدالله قرار
ښایسته نظر دې چا ته نه ورکوي حال مخ تهدلته اکثره تر خبرو وي جنجال مخ ته
ساده سړیه، اول مینه بیا بېلتون راځيتر اشغال کله وي نېټه د استقلال مخ ته
پرون دې سترګو زما پر زړه راکړلو داغ ړومبینن دې د خیر په دغه کار کې شولو خال مخ ته
اول دې سپین باړخه را وښود، بیا دې خال د زنېګوا ابوبکر مسلمان و، تر بلال مخ ته
اشنایه دلته خوښۍ دومره دومره لنډه وي چېته به سکوایې، تر وجود یې و زوال مخ ته
زه چې ناځوانه یادوم، زه چې بې غوره ښیمپه...
