ښوونکی لېونی دی

يو بې دينه ښوونکي له خپلو زده کوونکو څخه وپوښتل چې: آيا تاسې مېز ليدلی شئ؟ زده کوونکو ځواب ورکړ: هو، ښوونکي وويل: نو مېز هم شته دی.

بيا يې وپوښتل چې: آيا تاسې توره تخته ليدلی شئ؟ هغوی ځواب ورکړ: هو، ښوونکي وويل: نو توره تخته هم شته.

بيا يې وپوښتل چې: آيا تاسې الله تعالی ليدلی شئ؟ هغوی ځواب ورکړ: نه، ښوونکي وويل: نو الله هم نشته.

له زده کوونکو څخه يو راپاڅېد او ويې پوښتل: آيا تاسې د ښوونکي عقل ليدلی شئ؟ نورو زده کوونکو ځواب ورکړ: نه، ويې ويل: نو ښوونکی صيب مو هم لېونی دی.