پاکستان کې د ایران لوېدلې ډرون الوتکه وموندل شوه
د پاکستان بلوچستان کې چارواکي وایي، له ایران سره پنچګور ولسوالۍ کې یې غورځېدلې بې پیلوټه الوتکه وموندله.
کوټه کې چارواکي وایي، د الوتکې سټه یې د پنجګور په پروم سیمه کې موندلې ده.
د دوی په خبره، دا الوتکه ایران جوړه ده او کله یې چې د پاکستان د سرحدي پولو خلاف ورزي وکړه، نو پاکستاني جېټ الوتکو وغورځوله.
دوی دا هم وایي، چې د دې الوتکې پاتې شوې کومې نژدې تاڼې ته لېږدول غواړي.
- ایران: پاکستان کې د وسلوالو پټنځي په نښه کوو
- ترهګرۍ ضد عرب ټلواله: د پاکستان پر ګډون د ایران اندېښنه
- نوازشریف ته د حسن روحاني پیغام: پر ایراني پوله ساتونکو برید کونکي باید ژر تر ژره ونیول شي
د الوتکې غورځولو په تړاو تراوسه ایراني چارواکو سره اړیکه نه ده نیول شوې او نه هم تهران په دې تړاو څه ویلي دي.
د بلوچستان پنځه ولسوالۍ چاغي، واشک، پنجګور، کېچ او ګوادر له ایران سره پر پوله پرتې دي.
کله کله ایران دغو ولسوالیو ته راکټ لنچر او هوان ګولۍ هم توغوي.
څو ورځې مخکې پنجګور کې د ایران له خوا توغول شوې ګولۍ پر موټر ولګېده او یو کس یې وواژه.
- ایران: که ریاض جګړه را غځوي، سعودي به هم ناامن شي
- '٪۹۰ اعدامونه ایران، عربستان او پاکستان کې شوي'
- افغانستان: د حکومتي انټرنېټي خدمتونو بیه ۲۰ سلنه ټیټه شوې
دا په ۲۴ ساعتونو کې دویمه ایرانۍ ډرون الوتکه ده، چې غورځول کېږي.
له دې مخکې امریکا ویلي، چې سوریه کې یې ایران جوړه بې پیلوټه الوتکه غورځولې ده.
چارواکي وايي، دا الوتکه په سیمه کې د امریکا په مشرۍ ځواکونو ته ګواښ وه.