د مخدره موادو د کار و بار په تور ٤٤ کسان نيول شوي
د مخدره موادو په وړاندې د مبارزې عدلي او قضايي مرکز وايي، هغه ٤٤ کسان چې د پوليسو او کشفي-امنيتي ارګانونو لهخوا نيول شوي وو، دغه مرکز ته سپارل شوي دي.
دغه کسان په جدي مياشت کې د مخدره موادو د قاچاق د ٤٢ قضيو په تړاو نيول شوي دي.
ويل شوي چې يوه اندازه بېلابېل مخدره توکي هم نيول شوي دي.
د مخدره موادو په وړاندې د مبارزې عدلي او قضايي مرکز په يوه اعلاميه کې ويلي چې د روان کال په قوس مياشت کې ٥١ کسان د مخدره موادو د قاچاق د ٤٨ قضيو په تړاو نيول شوي دي.