شاته 0dfcecbb f1d8 4fbe 9d6a 05c9d502472b cx44 cy20 cw56 w800 h450

د خوندي زون د جوړولو په مقصد ترکي پوځي وسایط سوریې ته واوښتل

د ترکیې پوځي وسایط نن د سوریې پر پوله واوښتل او له امریکايي پوځیانو سره په ګډه د جنوب لوېدیځ سیمو ته روان شول، څو د خوندي زون د جوړولو په مقصد په ګډو ګزمو کې برخه واخلي.

د خوندي زون د جوړولو هدف د سوریې په هغو سرحدي سیمو کې چې د کردانو تر ولکې لاندې دي، د امنیت راوستل دي.

پوځي وسایط چې د ترکیې بیرغونه پرې رپېدل، د ترکیې له سرحده ۱۵ کیلومتره وړاندې په داسې حال کې د امریکا له پوځي ګاډو سره یوځای شول چې دوه پوځي هلیکوپټرې یې پرسر الوتلې.

ترکیه په پام کې لري د خوندي زون په جوړولو سره د سوریې یو میلیون کډوال ستانه او په دې سیمه کې ځای پرځای کړي.