BBC
 شاته

شمالي کوریا اتومي او توغندیزې ازموینې "ځنډوي"

v د انځور حقوق Getty Images
Image caption د شمالي کوریا مشر د نوي کال وینا کې هم ویلي و چې د اړتیا وړ اتومي او توغندیزې لاسته راوړنې یې په بشپړېدو دي.

د شمالي کوریا مشر وايي، هېواد یې اتومي او توغندیزو ازموینو ته اړتیا نه لري.

د دې رپوټ له مخکې کېم جونګ اون ویلي له شنبې ټول اتومي او توغندیزې ازموینې دروي.

دا خبر اول ځل د سوېلي کوریا یونهاپ خبري اژانس د د دغه هېواد د مرکزي خبري اژانس له خولې خپور کړ.

لکه څنګه چې رپوټ شوې، دا پرېکړه د شمالي کوریا د واکمن کارګرانو ګوند په مشرتابه شورا کې شوې ده.

* چین ته د شمالي کوریا د مشر تګ تایید شو

* شمالي کوریا: د پټ دولت نهه حقیقتونه

د شمالي کوریا حکومتي رسنۍ د دې پرېکړې په تړاو د اطلاعیې په خپرولو سره د کېم جونګ اون له خولې وايي، نور د اتومي او توغندیزو ازموینو ته اړتیا نشته، ځکه دا ازموینې له پوځي پلوه بشپړې شوې او روان ساتل یې پکار نه دی.

شمالي کوریا ته د امریکا د څارګرې ادارې د مشر سي ای اې د مشر د پټ سفر او پیونګ یانګ کې د شمالي کوریا له مشر سره تر لیدنې څو ورځې وروسته ده او د امریکا د ولسمشر ډونلډ ټرمپ لپاره یو بری ګنلی کېدی شي.

په ورته مهال د امریکا والسټریټ جورنال ورځپاڼې د شنبې په شپه وویل، له مایک پمپیو سره د شمالي کوریا مشر ژمنه کړې چې له ډونلډ ټرمپ سره د خبرو په بهیر کې به پیونګ یانګ درې امریکايي بندیان خوشي کړي.

ر د انځور حقوق Reuters
Image caption مایک پمپیو( چوپ لور ته اول) د ټرمپ او اون په لیدنه کې مهم رول لري.

له دې خبرې څو منټه وروسته د امریکا ولسمشر په ټوېټر کې د شمالي کوریا د دې پرېکړې هرکلی وکړ او ویې لیکل:

شمالي کوریا د ټولو اتومي ازموینو د درولو هوکړه کړې او ټاکلې ده چې په دې برخه کې یوه مهمه بټۍ هم وتړي. د شمالی کوریا او ټولې نړۍ لپاره ښه خبر دی. لوی ګام دی، لیدنې ته په لېوالتیا منتشر یم.

* د شمالي کوریا مشر پر جعلي برازیلي پاسپورټ څه کول؟

* روسیه د شمالي کوریا له کړکېچ سره څه کوي؟

سوېلي کوریاـ چې ولسمشر یې مون جایه- د شمالي کوریا له مشر کیم جونګ اون سره ویني، دا پرېکړه یې "ډېره ښه او رغنده" بللې او "د دواړو هېوادونو د مشرانو د راتلونکې غونډې د بري لپاره یې مهم ګام "بللی دی.

په سوېلي کوریا کې د بي بي سي خبریاله لورا بېکر وايي، د پیونګ یانګ د اتومي او توغندیزو ازموینو ځنډول ښايي د کېم جونګ اون د نوي کال د هغه بیان بشپړېدل وي چې ویلي یې و هېواد یې په دغه برخه کې پاموړ موخو ته رسېدلی دی.

د جمعې په ورځ داسې رپوټ هم ور کړل شو چې د شمالي او سوېلي کوریاوو لومړنۍ نېغه تلېفوني اړیکه غځېدلې ده.

ټاکلې د دواړو هېوادونو مشران د روانې میاشتې وروستیو کې سره وویني.

د دې تلېفوني اړیکې د غځولو پرېکړه تېره میاشت هغه مهال وشوه چې د ښاغلي مون یو لوی سلاکار پیونګ یانګ ته لاړ او هلته یې له کېم سره ولیدل.

د شمالي کوریا مشر په دغه لیدنه کې د سوېلې کوریا له ولسمشر سره د لیدنې هوکړه وکړه.

ټاکلې ده کېم تر جون پورې د امریکا له ولسمشر سره هم وویني.

لیدنه کله ده؟

د انځور حقوق Reuters
Image caption شمالي کوریا داسې توغندي هم ازمویلي چې تر امریکا رسېږي.

ډونلډ ټرمپ تېره میاشت هغه مهال نړیواله ټولنه حیرانه کړه چې د شمالي کوریا د مشر سره د نېغو خبرو لپاره یې د پیونګ یانګ وړاندیز ومانه.

د شمالي کوریا له مشر سره د امریکا د ولسمشر لیدنه بې مخینې ده.

ښاغلی ټرمپ وايي، دا لیدنه به د جون میاشتې لومړیو یا هم "له هغه لږ مخکې" وي.

شمالی کوریا له څو لسیزو را هیسې د انساني حقونو د سختې خلاف ورزۍ او اتومي وسلو د جوړولو له امله له نړیوالو قوانینو پښه اړوي.

د همدې سرغړونې له امله د ملګرو ملتونو له بندیزونو سره مخ او سخته ګوښه شوې ده.

دغه هېواد تر اوسه شپږ اتومي ازموینې کړې او داسې توغندي یې هم تجربه کړي چې امریکا ته د رسېدلو وړتیا لري.

خو سږنی ژمی یې سوېلي کوریا کې په اولمپیک لوبو سره د ډيپلوماسۍ لور ته ورسۍ پرانیسته.