د گران هېواد افغانستان په لر او بر کې په شمال او جنوب کې مجاهدين گډ جهادي عمليات پرمخ بيايي او په زړه پورې عسکري لاسته راوړنې لري د مجاهدينو پوځي يووالى د سياسي يووالي لپاره يو مهم گام دى دښمن لدې کار څخه سخته ويره لري چې د مجاهدينو عسکري قومانده دې يوه شي پداسې حال کې چې صليبي دښمن د ٤٦ ملکونو د پوځونو پرمټ تريوې صليبي قوماندې لاندې زمونږ د مظلوم ملت پرخلاف ظالمانه عمليات پرمخ بياي چې ددې عليماتو په ترڅ کې زمونږ بې گناه مظلوم خلک وژل کيږي د بيلگې په توگه د دوه اونيو راهيسې گورو چې امريکايانو او ورسره نورو صليبيانو د قندهار د مجاهدينو خلاف پراخ ظالمانه گډ عمليات شروع کړي چې د هلمند د مارجې عملياتو ته ډېر زيات ورته والى لري هلته صليبي دښمن د مارجې د نيولو او تسخيرولو لپاره تر ٢٠٠٠٠ زرو مجهزو پوځي عسکر ليږلي وو چې په سلگونو چورلکو او په زرگونو ټانگونو او عسکري نقليه وسايطو يې همغږى کوله حمله وکړه خو په مارجه کې دښمن ونه توانيد چې مجاهدين په بشپړ ډول له منطقې څخه وباسي يوازې دومره وشول چې مجاهدينو د عملياتو بڼه بدله کړه او هغه دا چې د سترو جبهه يې جنگونو پرځاى يې گوريلايې او چريکي غلچکو عملياتو ته زور ورکړ په نتيجه کې د مارجې ولسوال به يا په لشکرگاه کې اوسيده او يا به هم د امريکايانو په عسکري بيسونو کې نه شو يې کولاى د يوې ورځې لپاره هم د مارجې مرکز ته لاړ شي مجاهدينو ټوله منطقه په ماينونو فرش کړې وه تردې چې خپله امريکايان هم په آزاده نشو گرځيدلى خو دامريکايانو د دغه ظالمانه او وحشيانه صليبي عملياتو په ترڅ کې يوازې ولسي خلک متضرر شول په خپل وطن کې مهاجر شول د جنگ له ويرې يې مارجه پريښوده اوس همدا کار په قندهار کې روان دى ولسي خلک له منطقې نه وتلو ته اړ شوي په زرگونو کورنۍ د قندهار ښار او نورو ولسواليو ته کوچيدلي پداسې حال کې چې مزدور او بې غيرته کرزى تيره ورځ قندهار ته سفر درلود چې پدې سفر کې ورسره د ده بادران هر يو ايکن بيرى په کابل کې د امريکا سفير جنرال پيټرياس د ټولو صليبي قواو قوماندان ملگري وو نو کرزي په خپله وينا کې په ډېر بيشرمانه ډول د قندهار ولسي خلکو ته پيغور ورکاوه او ويل يې چې تاسو ولې خپل کلي خپلې ولسوالۍ او خپل ځايونه پرې ايښي پدې معنى چې گويا تاسو له جنگ نه تښتيدلې يې خو کرزى په ځاى د دې چې دا پيغور ځان ته متوجه کړي خپله بې غيرتي او بې شرمي پر مجاهد او غيرتي ولس ورتپي که د کرزي په خوښه امريکايانو پر قندهار عمليات نه وى شروع کړى نو د قندهار خلک به قصري وتلو ته نه اړ کيدل ځکه بې ناموسه صليبيان او د هغوى افغان بړيڅي نه حد لري نه حدود نه حيا لري نه ناموس د کرزي په شان بيغرته لاس کښينولي د خپل بلواکه تش په نامه نظام د ژغورلو لپاره د ولس پر وژنه اړ ندي.
له يوې خوا مکار او بې شرمه کرزى د صلحې او جوړ جاړي نارې وهي او له بلې خوا صليبيانو څخه دمجاهدينو پرضد د سترو سترو عملياتو غوښتنه کوي له يوې خوا وايي مجاهدين زما وروڼه دي د دې وطن بچيان دي او له بلې خوا بيا د همدغه مجاهد ولس پرخلاف خپلو بادارنو ته دجنگ کولو او افغان وژلو شين څراغ ورکوي هلته په کابل کې د صلحې لپاره شپيته کسيز کميسيون جوړوي او په اصطلاح استاذ رباني ته چې دټولو داخلي جنگونو مور بلل کيږي ددې هيئت او کميسيون مشري ورکوي.
آيا رباني رښتيا هم صلحه غواړي؟!! آيا همدا رباني نه وو چې امريکايانو ته به يې ويل چې کوم بمونه تاسو پرمجاهدينو غورځوى ډېر واړه دي پداسې حال کې چې هر امريکايي بمب به ٦٠٠٠ زره کيلو وو خو رباني به د شپږو ټنونو بمونو پرځاى د ١٠ ټنونو بمونو د ورولو غوښتنه کوله آيا رباني رښتيا هم په تېر کړي جنايت توبه ويستلى؟! او يا دا چې رباني نور ايکسپاير شوى او د ښې نه وتلى دى؟!
هغه وخت يې د کابل په نيولو کې له صليبيانو سره يې بشپړ کومک وکړ او تر ننه پورې دا غميزه ادامه لري خو يوه خبره ډېره د حيرانتيا ده چې حامد کرزي د څه لپاره رباني ته د صلحې دکميسيون مشري ورکوي؟! پداسې حال کې چې پکار وه د صلحې په کميسيون کې داسې افغانان علماء، مفکرين، سياسي، ملي، وتلي څيرې واى چې په بشپړ ډول آزاد خپلواک خلک واى بيا به دغه کميسيون حتماً کامياب شوى واى او مجاهدينو ته به هم دمنلو وړ وى او په بين الافغاني ډيالوگ کې به يې ستر تاريخي رول ادا کړى وى ولې دا چې کرزي ددې کميسيون اکثريت غړي او بلخصوص ددې کميسيون مشر داسې څوک ټاکلي چې کاملاً متنازع فيه شخصيت دى چې له مجاهدينو سره ژوره دښمني لري او تر ډېر حده نشنليستي موخې او غوښتنې هم لري او تېر تش په نامه سياسي جهادي تاريخ يې تور دى او په عمومي ډول ديپلوماسي نلري رباني په صحي ډول هم ناتوانه او په عصبي او ټوبرکلوز بيمارى مبتلا شخصيت دى او ډېر کمزورى دى له رباني څخه د کاميابو او مخلصو خبرو کولو تمه لرل بې ځايه دي او گمان نه کيږي چې د صليبيانو پرخلاف سنگر کې ناست مجاهدين به د يوې لحظې لپاره هم د رباني پشان سترگو ډاگې په رياست کې د صلحې گډوډ کميسيون ته مثبت ځواب ووايي دا کميسيون به د نورو کميسيونونو په شان ناکامه شي.
دې کې هم شک نشته چې صلحه، ورورولي يو مقدس پيوند دى بې له صلحې ژوندون گران دى افغانان تل صلحې ته اړ دي خصوصاً دا مهال خو ډېره زياته اړتيا ورته ليدل کيږي خو داسې صلحه او جوړ جاړې چې د افغان ولس د شهداوو مجاهدينو شرعي ملي گټې پکې په بشپړ ډول خوندي او د بهرنيو وتل او يا د وتلو مهال ويش امضاء او تضمين کړي د امريکايانو په زور ويستل مجاهدينو ته گران ندي خو په سياسي لحاظ امريکايان بايد د وتلو پرمهال ويش د ټول افغان ولس پر وړاندې او د نړيوالو ترمخ امضاء وکړي پدې تعهد او امضاء سره به د صلحې لپاره دروازه پرانيستل شي د ډېرو په اند مجاهدين به هله د صلحې جوړ جاړي ته بشپړ امادگي ښي چې د بهرنيانو د وتلو مهال ويش مخکې د صلحې د خبرو نه معلوم شي اما داچې بهرنيان موجود وي او د ٤٦ غربي ملکونو په لکونو پوځي عسکر استخباراتي کارکوونکي سياسي او دپيلوماتيک مامورين موجوديت ولري د مجاهدينو لپاره به پداسې مشکوکه او مجهوله فضا کې د صلحې خبرې اترې مفيدې نه وي ځکه امريکايان کوښ کوي تپلي صلحه تحميل د غربي نظام بنسټيزې غوښتنې تضمين کړي پداسې حال کې به صلحه يو قدم هم پرمخ ولاړ نشي ځکه چې دا جهاد دا قرباني افغان ولس د دې لپاره ندى ورکړې چې دغه ډول ذلت ته په غاړ ايږدي صلحه به کوو خو په جگ سر نه په ټيټو سترگو مشروطه او تحميلي صلحه يوازې دمجاهدينو لپاره نه بلکې د کرزي د ډلې ټپلې لپاره هم مفيده نده او دهغه چا لپاره هم تاوان دى چې د تېر جهاد مجاهدين بلل کيږي او يا ځان پخوانى مجاهد ګڼي ځکه امريکايان په عموم ټول افغان ولس بې له توپيره د غلامۍ په جال کې گيرول غواړي دا کار يې دجنگ له لارې ونه شو کړلى خو د سياسي مداريتوب له لارې يې شايد وکړلى شي همداوجه ده چې امريکايان د افغانستان په داخل کې افغاني تنظيمونه او ډلې له مجاهدينو ويروي ترڅو نور هم دامريکايانو لمن ټينگه کړي پداسې حال کې چې مجاهدين د هيچا څخه د شخصي گروهي ژبنې انتقام اخيستلو نيت نلري او ټول هغه څوک بښي چې په خپلو کړيو جناياتو پښيماني وښيي د صليبيانو له ملاتړ او جاسوسۍ لاس واخلي د مجاهدينو اصلي دښمني له اشغالگرو سره ده او دهغوى ويستل غواړي نو افغانان دې له مجاهدينو ويره نکوي مجاهدين دې خپل وروڼه وګڼي او سر له نن څخه دې ورسره په پټه او ښکاره کومک شروع کړي که د چا د ډوډۍ وس وي ډوډۍ دې ورکړي او که دچا د مال او پيسو وس وي دخپل وس او توان سره سم دې پدې روان جهاد او د آزادۍ په جنگ کې برخه واخلي مجاهدين پر مونږ او تاسو ټولو حق لري چې دخپل وس سره سم يې ونازوو.
بل دا چې امريکايانو ماته خوړلې اوس پدې کوښښ کې دي چې افغانان په خپلو کې سره واچوي او پدې ډول قومي، ژبني، تنظيمي جنگونو ته لمن وهي دا وجه ده چې د صلحې دکميسون مشري يې متنازع فيه شخص رباني ته ورکړې چې د افغان ولس نماينده گي نشي کولى بلکې د شمالي اتحاد د مليشو لپاره د ونډې غوښتلو او دهغوى لپاره دامان غوښتلو په موخه ددې کميسيون مشر شوى، دا د کرزي مجبوري ده ځکه د کرزي حکومت دموزيگي شکيدلي کټ ته ورته دى چې وايي: د موزيگي شکيدليه کټه- چې يوه خوا دې ټينگوم بل خوا دې ځينه.
دا وجه ده چې کرزى د شمال د ټلوالي د خوښې او رضايت په خاطر پرونى مکار قصاب او د نن پسه چې دميږي څرمن يې اغوښتې د صلحې غوښتنه کوي که دا کميسيون د صلحې رښتياني خبرې غواړي لومړى دې رباني، سياف، مجددي، کشاف او نور هغه کسان لدې کميسونه ايسته کړي چې د مجاهدينو او افغان ولس سره يې خيانت او جفا کړې بل گران مجاهد وروڼه هم بايد چې ددښمن مکر او جال ته پام وکړي او راځي چې په خپل فکري عقيدوي، سياسي، عسکري وحدت او همبستگي سره ټولې توطيې شنډې کړو او خپل ولس ته دخپلواکۍ، آزادۍ، صلحې حقيقي زيرى راوړو.
د مجاهدو پرگنو د يووالي وروستۍ کاميابۍ په هيله .

د شـــهــادت ورڅــپاڼـــې نه په منـنــه .