نړيوال ښکيلاک او د لرو بر افغان دازادۍ غورځنګ

دافغانستان حالت تر وېتنام بدتر دی

هجران
18.06.2013

دافغانستان حالت تر وېتنام بدتر دی

http://eslahonline.net/1086

on February 9, 2009 2:55 am in افغانستان, خبر او تحليل / 2 تبصره ها

د نړۍ د ستر فرعون بوش له تګ وروسته د هغه بل ورور اوباما د امریکا د واک په ګدۍ ګدۍ کیناست او له کیناستو سره سم يې خپلې فرعوني دعوې پیل کړې او په لومړۍ ورځ يې وویل چی امريکا ماتې نه خوري.

خو د څو ورځو په تېرېدو وروسته خپله اوباما او د اوباما حواریینو په دې اقرار وکړ ، چې په افغانستان کې د دوی شته پوځیان ډېر کم او له طالبانو سره د جګړې توان نه لري نو ضرور ده ، چې افغانستان ته دېرش زره نور عسکر راولېږل شی تر څو په افغانستان کې موجود مقاومت کمزوری کړی.

د اوباما د بهرنیو چارو وزیرې هيلري کلنټن هم د اوپاما د حکومت دریځ ښکاره کړ او زیاته يې کړه چې امریکا نور په افغانستان کې جګړې کوي نه بيا رغونه ، ځکه چې د افغانستان حکومت خپله د نشه یی توکو په قاچاق او د طالبانو په بیا راپورته کېدو کې ونډه اخلي.

بلخوا د جنوبي اسیا لپاره د امریکا ځانګړي استازي رچرډهالبروک ويلی دي ، چې په افغانستان کې اوسنی حالت تر وېتنام زياد خراب دی.

نوموړی ویلي چې مونږ به ډېر زر په افغانستان کې د خپل پوځ د قوماندان جنرال پټریاس به واسطه اداري فساد ته د پای ټکی کېږدو.

نو دا ټول چې د امریکا د حکومت مسوولين دی په خپله یې اقرار وکړ ، چې امریکا ماتې خوړلې او نور نه شی کولی چې د خلکو مرسته وکړی بلکې د خلکو سره د همکارۍ پر ځای به خلک ووژني او خلک به له منځه وړي.