نړيوال ښکيلاک او د لرو بر افغان دازادۍ غورځنګ

د ظلم کاسه نسکوره ده

اتل
09.10.2012

محترمو لوستونکو، پر تاسې د سلام، او د الله ج رحمت وي
تاسې به حتماً دا معقوله اوریدلې وي چې وایي: د کبر او ظلم کاسه نسکوره وي
داسې ښکار ي چې د پاکستان د طالبانو ظلم او ستم د غلیان حد ته رسیدلئ دئ. هر شئ چې انتها ته ورسیږي سقوط کوي، اوس لکه چې دا خبره د پاکستاني طالبانو په حق کې هم صدق کوي. تاسې دا لاندې مطلب ولونئ او قضاوت وکړئ چې دوی څنکه مسلمانان دي
=============================================
د ننګیالې ملالې د ویشتو پړه طالبانو ومنله
09.10.2012
ناقانونه تحریک طالبان پاکستان رسنیو ته ویلي چې د سولې سفیره ملاله یوسفزۍ د دوی وسله والو ویشتلې ده.

د دوی یوه ویاند ویلي چې ملالې یوسفزۍ د دوی پر ضد په څرګنده خبرې کولې نو ځکه یې وویشتله.

ننګیالې ملالې ته تر دې وړاندې هم اورپکو طالبانو په بیا بیا د مرګ دړکې ورکړې وې.

ننګیاله ملاله یوسفزۍ نن (نهې په ورځ) د سوات په مېنګوره کې د خپل ښوونځي مخې ته په ګاړي کې سوره وه چې دوو وسله والو طالبانو پرې ډزې وکړې او له خپلو دووهمځولو سره یو ځای یې په ډزو وویشتله.

ننګیاله ملاله د ټپي کېدو وروسته په خصوصي هېلي کوپټرکې د درملنې لباره د پېښور پوځي روغتون ته یووړل شوه.

د هغې په سر کې ګولۍ لګېدلې ده. د دې تره احمدشاه له مشال راډيو په خبرو کې وویل چې دوی اوس ملاله سي اېم اېچ ته رارسولې ده او دا وخت د اپرېشن لپاره یې لومړني ټېسټونه ترسره کېږي. دی زیاتوي که څه هم په سي ټي سکېن کې د ملالې مغزو ته زیان نه دی رسېدلی خو د ډاکټرانو وروستي رپوټ ته په انتظار یو چې هغوی څه راته وايي. ملاله دا وخت بې هوشه ده.