نړيوال ښکيلاک او د لرو بر افغان دازادۍ غورځنګ

پټه خوله، یا ځواب نه ورکول، د اعتراف معنی لري

اتل
01.10.2012

محترمو او قدر دانو لوستونکو، د مینې سلامونه مې ومنئ
زموږ په ټولنه کې چې څوک د کومې پوښتنې یا غوښتنې په وړاندې پته خوله اختیار کړي، نو موږ وایوچې سړي حبره ومنله، او که د ملامتئ خبره وي، نو وایو چې پټه خوله اعتراف دئ. که شاهدان د ودوزن په ورځ د نکاح دپاره د ناوې رضایت وغواړي، او ناوې د شرم نه څه نه وايي، نو نکاح تړونکئ پټه خوله رضایت ګني
کله چې د طالبانو لخوا ولسي مسلمان وګړي په قتل ورسول شي، او یا طالبان ماشومان ځان وژونکي، د نورو مسلمانانو سره په بمونو کې والوزوي، او بیا څوک د طالبانو نه په آیت او حدیٍ شریف مستنده پوښتنه وکړي او ورته ووایي چې ستاسې دغه اعمال د الله جل جلاله درضا او اسلام سره نقاضت لري، نو طالبان ځواب نه ورکوي. ددې معنی دا شوه چې ګواکي، دوی پر خپل جرم اعتراف کوي، او د شرمه ځواب نشي ورکولای، خو د الله د غضب نه بیا وهم او ویره نلري
طالبان بیا په خوست کې ددغسې جنایتونو مرتکب شویدي
============================================
د خوست په ځانمرګي برید کې ۱۴ تنه ووژل شول
| دوشنبه, 10.01.2012, 09:11 AM | (562 لیدل شوی)

تاند(دوشنبه/اکتوبر۱) یوه ځانوژونکي چې د پولیسو یونیفورم یې اغوستی و نن د خوست ولایت د امنیه قومندانۍ مخته ځان والوزاوه، څوارلس تنه یې ووژل او نژدې اویا تنه نور یې ژوبل کړل.

د لومړنیو راپورونو له مخې په وژل شویو کې درې بهرني پوځیان هم شامل دي.

شاهدانو تاند ته وویل، د حملې هدف د ناټو او افغان ځواکونو هغه ګډ کاروان و چې امنیه قومندانۍ ته روان و.

تاند ته یوې امنیتي سرچینې وویل چې د افغانستان د ملي پولیسو درې غړي چې یو یې د چټک غبرګون د قطعې قومندان دی، وژل شوي دي. د دې سرچینې په وینا شپږ عام افغانان او درې ناټو پوځیان وژل شوي دي.

د خوست ولایت د والي دفتر هم د تلفاتو شمېر شپږ تنه وښود. خو شاهدان وايي چې په دې برید کې ټولټال ۱۴ تنه وژل شوي دي.

د خوست امنیه قومندان ویلي چې حمله کوونکی پلی و خو شاهدان وايي چې حمله کوونکی په موټرسایکل سپور و.

ناټو د خپلو درو پوځیانو او یوه افغان ترجمان وژنه تایید کړه.

چارواکي وايي چې لږترلږه ۳۷ ملکیان او درې پولیس ژوبل شوي دي خو د خوست د روغتون مسوولان وايي چې نژدې اویا تنه ټپیان وروړل شوي دي.

د طالبانو یوه ویندوی ذبیح الله مجاهد د دې برید مسوولیت په غاړه واخیست، ویې ویل چې دا برید د شعیب کندوزي په نوم د دوی یوه ځانمرګی وکړ.

ذبیح الله مجاهد ویلي چې په دې برید کې اووه امریکایان او د هغوی یو ترجمان له شپږو پولیسو سره وژل شوي دي.
=============================================
د طالبانو ویاند ذبیح الله، په اصطلاح مجاهد صاحب، ددې جنایت مسؤلیت په ډیر فخر منلئ دئ، خو مجاهد صاحب، ځان وژنه او د نورو انسانانو قتل د اسلامي احکامو په رڼا کې څنګه تو جه کوي؟