اسلام، اسلامي شرعه او د اسلام تاریخ

د بلجیم ښار ټولو افغانانو ته مبارکي وایم

مساپر
09.04.2012

درنو هیوادوالو اسلام علیکم،
د یکشنبې په ورځ د اپریل د اتمې د الله تعالي په فضل او د یو شمېر دیندارو افغانانو په ملاتړ د بلجیم په انتورپن ښار کې د افغانانو اسلامي او کلتوري ټولنه په دې وتوانیده چې د مسلمانانو دعبادت او دماشومانو د دیني ښوونې او روزنې لپاره د (محمدي) په مبارک نوم، یوه نوی جومات په رسمي او قانوني توګه پرانیزي.(الحمدُ لله) په دې غونډه کې چې دغرمې په دوه بجو پېل شوه، تقریبا دوه سوه پنځوس مسلمانانو د بلجیم د بېلا بیلو ښارونو حتا له جرمني او هالنډ څخه هم یو شمیر کسان ګډون کړی وو.
په دې جومات کې به د پنځه وخته لمونځ ترڅنګ د قران کریم د ختمونو، مذهبي مراسمو، اخترونو او دیني زدکړې لپاره استفاده کیږي.
غونډه د قرآن کریم په مبارک ختم پای ته ورسیده او د ټولو مسلمانانو او په خاصه توګه د افغانانو د اتفاق، ورورولۍ ترڅنګ د افغانستان او د نړئ د ټولو اسلامي هیوادونو د سولې او سمسورتیا لپاره دعا وشوه، آمین یا رب العالمین.

والسلام،