وطن پال او نور ګټور شعرونه

د استاد عارف دوې څلوريزې او يو آزاد نظم

شاكر الله
29.08.2004

څلوريزه
بيا ځغلي څو كسه د سرونو سوداګر پسې
زنده باد نارې شوې د پرون معامله ګر پسې
تا په خپله خوښه بيا لاروركى اوګمراه كړ ځان
زه، خو آشنا نه ځم نور په دغسې رهبر پسې
څلوريزه
مينه چې ګناه شوه د الزام په نوم
چا كفر صادر كړ د اسلام په نوم
زه خو د خپل يار په تومت رنګ ښه يم
وژنه مې رقيبه د بدنام په نوم

برخه ليك
زما د سويو سردرو د وطن
د خړو،خړو غمزپلو خلكو
په برخه ليك كې د تقدير ليكاڼي
اوږده رنځونه او د غم اوږدې كيسې ليكلي
هغوى د مرګ په پوله
ورځې، ساعتونه په سلګو تېروي
لكه بندي چې
د قاضي په پرېكړه
د جېل تياره كوټه كې
د مرګ د ورځې انتظار باسي،
خو
رښتيا د مرګ انتظار