نړيوال ښکيلاک او د لرو بر افغان دازادۍ غورځنګ

وسط امت ، وسط افغان ، وسط نظر

Ghairat
18.09.2011

....................................................................د لوی او مهربانه خدای په نامه

هره ځلنه اوپديده، هره پېښه ، هره ټولنه او ټولنيز بهير خپل قطبونه او افراطي برخې اړخونه لري چې ټاکونکی رول نشي لرلای .
دا ځکه چې په مقابل کې
د همغې ځلځلنې وسط د اصلي ، عمده او ټاکونکې پېښې او بهير په توګه شتون لري !
لکه څنګه چې مسلمان امت د اديانو تر منځ د وسط امت (يا امت وسط) په توګه مطرح دی، افغان مؤمن او مسلمان ولس بايد په افغانيت کې هم
د وسط افغان په توګه مطرح وي او له افراطيت څخه ځان وژغوري . په همدې ډول مونږ افغانان بايد د وسط امت او وسط افغان په توګه تل
د وسط نظر خاوندان او سو که غواړو چې د ملي اسلامي او ټولنيز غورځنګونو له وسط او هستې څخه ونه وځو او د افراط او تفريط څنډو ته
لکه د سيلاب د سر ځګ ديکه نشو .
هو، د وسط امت ، وسط افغان او وسط نظر د خاوند په توګه کولی شو د اسلام د مبارک دين د غوښتنو، افغاني ملي مقتضياتو او ټولنيزو پوښتنو
ته مثبت ځواب ، مثبت حل او مثبت لرليد وړاندې کړو او په درېواړو برخو کې د ژغورنده ، رغنده او يون څپانده بشپړ اوي هسکو پوړيو ته ورسيږو !
دا رسالت هېچاته اجازه نه ورکوي چې فروعاتو ته د اصل ، او افراط ته د وسط په ارزښت وګوري او يو حرکت پرې راپيل کړي چې
د اړوندې ځلځلنې او بهير اصل او وسط پرې نفې او له منځه يوسي !
د افغانستان آزادۍ اصل د يوۀ ستر ملي اسلامي خوځښت په توګه د اشغالګر شوروي د پوځي تيري په وړاندې راپيل شو،
خو له هماغه لومړی سر څخه دپرديو، سمه ييزو او نړيوالو دوښمنانو په منګول کې ښکېل شو او هغوی په ډير مهارت سره د افراطيت ،
پراګندګۍ، نفاق او دوښمنيو ته په هڅولو سره له خپل اصلي مسير، هدف او ملي اسلامي رسالت څخه منحرف او خپلو چټلو موخو په لوری سوق کړ !
افراطي، بېلتونپال ، ستمي ، غچغوښتونکي ، پنجابپلوی او القاعدوي ډلو ته يې قدرت او واکمنۍ ته د رسېدو پر مخ سياسي او پوځي
لارې پرانيستې ، څو په افغانستان کې د اصل، وسط ، کليت او استقلاليت کوم
ژمندوی ځواک رامنځته نشي او پر ځای يې لومړی په افغانستان
د ګورنۍ جګړې يوه تباه کونکې آنارشي مسلطه کړي او بيا پرې يوه بلواکه او بلځواکه مذهبي ديکتاتوري مسلطه کړي او په دې توګه يو ځل بيا
د افغانستان يو داسې نوي پوځي اشغال ته لار پرانيزي چې د آزادۍ په صورت کې پرې بيا استقلاليت د مخنيوي له پاره د افراطيت ،
بلواکۍ او پټواکۍ زورواکي مسلطه کړي او افغان ملت له داخل څخه دېته پرېنږدي چې د غه د اسارت پرپيتيوم مبيل شیطاني کړۍ ماته کړي !

ولې مونږ د دغسې پنجابي، القاعدوي، اشغالګر امپريالستي حصارونو ، زولنو او پرديو ايديالوزيو کې ښکيل ملت په توګه پرته له دې
بله لاره چاره هم نه لرو څو د اسارت دغه شيطانۍ کړۍ ماته نکړو او د ملي اسلامي ولسي ځواک په توګه ترې د آزادۍ فضا ته را ونه وځو !
ددغه ځواک او توان موندلو له پاره اړينه او ضروري ده چې له ځنډ پرته ټول سره د يوه واحد او متحد وسط امت ، وسط ملت،
وسط افغان او وسط نظر د څاوندانو په توګه سره لاسونه ورکړو يو موټی او يو کوټلی ځواک شو او ټولو اشغالګرو ، د دوستۍ په بڼه حيله ګرو
تورمخو او تورسنټو دوښمنانو ، افراطي او ترهګريزو مداخله ګرو په وړاندې يو
غښتلی فولادي افغاني سنګر شو ! الهم امين يا رب العالمين !