ادبي ټوکې ټکالې
دسپی وصيتنامه،يو پښتو طنز
ډوکتر څپاند
14.03.2008
دسپی وصيتنامه،يو پښتو طنز
دعزيز نسين(دترکيي نوميالې ليکوال )دا طنز می ددری ژبی څخه ژباړ کړی٠ځيني لنډيزونه پکي کارول شوی،نو هيله ده چه زما معذرت ومني٠
په يوه کوچنی کلی کی يو بوډا اوسیده چه نوم ئی ګلخان وو.ګل دحيواناتو سره ډيره مينه کوله٠دده په کورکی چرګان،پشکۍ،کوتری نور ډول ،ډول ژووی موجود وه چه ده به لکه د خپل اولاد پشان روزل٠مګر دده په زړه پوری او خورا ګران ژوې دده سپې وه ٠دا سپې چه د ١٤ کلو راهيسی دګلخان سره اوسيده ناروغ شو٠ ګل دير کوښښ وکړچه هغه بچ کړی مګر بریالی نشو٠په پاي کی سپی پداسی حال کی مړ شو چه ګلخان د هغه په خله کی دشدو څاڅکي ور اچول او ددواړو له سترګو اوښکي څڅيدی٠
ګلخان پداسی حال کي چه په غمونو کي خورا ډوب وو،دی نتيجي ته ورسيد چه دخپل سپی جسد په قدر او عزت سره خاورو ته وسپاری٠
په همدي خاطر ګلخان دخپل سپي لپاره يو تابوت جوړکړ او هلته لري يوه بل
کلي ته ولاړ٠هلته يی خلک په ځان راټول او ورته ئی داسی څرګنده کړه چه ګواکی په تابوت
کی دګلخان د زوی مړی پروت دی اوغواړی چه هغه خاورو ته وسپاری٠
خلکو ورته کبر وکين ،دجنازی لمونځ ئی ادااو خيراتونه ئی تر لاسه کړه٠
مګر کله چه تابوت خاورو ته سپارل کيده، دسپي لکي د تابوت له درزه
ښکاره شوه٠ګلخان چه هر څه وکړه فايده ئی ونکړه او خلکو دی قاضي ته لاس تړلی ورو ست٠
قاضی له ګلخان نه د مسلئ په اړ و پوښتل٠ګلخان وويل چه قاضی صاحب ځما
سپې د انسان پشان خبری کولی،قاضی په غوسه شو او ګلخان ته ئی کړه چه دی
ليونی دی او که په نورو د ليونی ګمان کوی؟ سپي هيڅکله خبری نشی کولی٠
ګلخان زياته کړه چه قاضی صاحب زما سپي عبادت هم کاوهاوخيراتونه به ئی کول او د ډيرو شتو څښتن وه،قاضی نور هم په غوسه شو او وئی ویل لاهودو٠ګلخان زياته کړه چه ځما سپی يوه وصيتنامه هم ليکلی٠قاضی پداسی حال کی چه د غوسی نه خوټيده ،ګلخان ته يي کړه چه احمقه،سپی او وصيتنامه؟
ګلخان پدی محال اجازه و غوښته چه د ثبوت د وړاندی کولو لپاره دی دهغه لاسونه ازاد کړی شي٠
ګلخان د خپلی ملا نه د طلا کمر بند راوخيست او قاضی ته ئی پر ميز کيښود،او
زیاته ئی کړه چه سپی پخپله وصيتنامه کي ويلی وه چه دا دطلا(دسرو زرو)کمربند به قاضی صاحب ته ورکړی شی! قاضی پداسی حال کی چه له خوښی نه
په جامو کی نه ځايده، ګلخان نه ئی و پښتل چه دا خدای بښلی نور څه وصيت
کړی وه!
