ادبي ټوکې ټکالې

دشيطان بچي

ډوکتر څپاند
21.09.2007

دشيط[color=darkred:a38ac5a99a]ان بچي [/color:a38ac5a99a]
يو کوچنی شانتي طنز ګوټۍ!
وايي چه دځوانو شيطانانو يوي ډلي په پوهنتون کي  زده کړي پاي ته رسولی وي 
اودي ته چمتو وه چه و ځمکي ته راشی اؤ خپل ماموريت پيل کړي٠ددوی د بري ليکونو د ويش ورځ وه او تر ټولو لوړ پوړي شيطان چه عمومي لار ښود ګڼل کيدو د بري ليکونو د ويشلو لپاره دی پياوړي غونډی ته راغلې وه٠
لوي شيطان به هر ځوان شيطان نه يوه پوښتنه کوله او هغه داچه تر ټولو اسانه لاره، چه يو ملت برباد کړي شي څه ده؟
ځوانو شيطانانو هر يوه پخپل وار ځوابونه وکول٠او هر يوه پدي ټينګار کاوه چه په يوه ملت کي نفاق ، درواغو،غلا،دوکه ماري،قمار بازي٠٠٠٠٠اونور او نور رواجول به په ډيره اساني سره يو ملت برباد او نابودکاندي٠
لوی شيطان ددي ځوابونو په اوريدو سره ډیر زيات په غوسه شو٠پداسي حال کي چه دغوسی نه يي خولي کړي وي اوټول بدن يي رپيده مخ يي دپوهنتون استادانو ته کړ او هغوي ته يي ډير منت وکړ٠لوي شيطان زياته کړه چه دي پدي ډير خواشينئ دې چه دسلګونو ميليونونو ډالر خرڅ سره سره ،يو شاګرد هم لا پدي نه پوهيړي چه څنګه يو ملت برباد کړي٠
په دي وخت کي يو ډنګرکې ځوان شيطان په ډار سره خپل لاس پورته کړ او غوښتنه يي وکړه چه که دځواب  موقع ورکړی شي٠ لوی شيطان په بي پروايي سره ور غږ کړ چه ووايه ته څه ځواب لری؟ځوان شيطانرض وکړ چه صاحبه دېو ملت بر بادول اوتباهي ډيراسان کار دي٠هغه داچه که په يوه ملت کي مهم او عمده چاری اوکارونه نا اهلو او ناپوهه خلکوته په لاس ور کړي شي هغه ملت،ولس او هيواد به په ډيري سادګۍ او اسانۍ سره تباه
او نابود شي.
لوي شيطان ددی ځواب په اوریدو سره تر حده زياد خوشحاله شو،کوچني شيطان يي پخپل غيږ کي ټينګ و نيوه او ښکل يي کړ.   ډير انعامونه يي ورکړه او د پروفيسور افتخاري لقب يي هم ورته بخشش کړ٠ 
د هغه څخه يي په پټه و پوښتل چه داچم يي دچاڅخه زده کړې وه؟ځوان شيطان
په ځواب کي وويل چه دا چم يي د افغان ولس نه زده کړې دې!