وطن پال او نور ګټور شعرونه

ذاهد

Safi A.khaliq
22.11.2006

ذاهد

ذاهده ړنګه دې شه دغه خونه
چې کنج کې ناست يې او بهر نه وينې
ته په خيالي درياب د پيو او عسلو کې غوټې وهې
نور لمبوې پخپلو وينو کې وعدې ورکوې
ته په خيالي پالنګ کې پروت يې خپلو حورو سره
نور دښکلاو په ليدلو ړندوې ولې ؟
ځان ته په سل روايتونو د انتهورو ميخانې جوړوې
نور يې په څکلو د الهاد په دام تړې ولې ؟
پخپله ناست يې فتوا ګانې کوې
نورو ته هسې دمرګونو هديرې جوړوې
تا د الله کلام دګوتو په خوځښت زده کړی
پرې نه پوهيږې او د ځان نه افسانې جوړوې
که ته په ږيرو او په څڼو ښه اسلام جوړوې
نو ته بيا ولې دا هندوان ټول کافران جوړوې ؟
ذاهده بس کړه نور کاذب ذکرونه
سر را بهر کړه نوراني ښکلی جهان وګوره
د الهي دنعمتونو لوی شکران وکړ

ويانا ۱۱/۱۲/۲۰۰۶
انجنير عبالخالق ساپی