نړيوال ښکيلاک او د لرو بر افغان دازادۍ غورځنګ

راځۍ چه ويې شاربو او کوچي په وکړو !!!!

ع کريم حليمي
13.11.2006

درنو او محترمو وړونو او خويندو 
السلام عليکم و رحمه الله وبرکاته !
محترم استادځواکمن صاحب !
د اسلام ترنامه لاندي داسي ليکني سته چه تر ګټو ئې خسارې ډيري دي !
لکه د (لولاک لما خلقت الافلاک ) او د علقمه او مور بيانونه 
په نبي ص پوري ډير قصې تړل سوي دي ، نه چه د نبي ص په حق کښي ظلم دی 
بلکي د امت سره هم لوی ظلم دی ٠ 

تاسو به لوستي وي او يااورېدلي چه :
يو ځوان وو چه ، کله چه ئې د مرګ وخت راورسېدي ، نوپر کلمه شهادت ئې ژبه 
نه اوښته ، روايت کوي چه علقمه يو ډير نېکو کاره او د لمانځه او روژې پابنده 
سړي وو ، خو مر ورڅه ازار وه 
د علقمه مور وايي چه د ماندينې په مقابل کښي زه ورته بې اهميته وم 
او ويل يې  چه زه علقمه نه بخښم ٠ 

وروره !  صوفيانو کوښښ کړي چه ځانونه داسي ښکاره کړي چه دوی 
پر رسول داسي مين دي چه بل څوک داسي مين نه دي ، څونه چه ځان مين څرګند 
کړي ،نو په هغه اندازه بيا عوام خلګ پر ده مين سي 

او ملا صاحب بيا کوښښ کوي چه خلکو د زړنو رانيول  وکړي  ، څرنګه ؟ 
تاسو ته معلومه ده ! کوم خلک چه مسجد ته دلمانځه  د پاره ولاړ سي 
نو د ملا دور ته هم بايد غوږ ونيسي ، نو ملا ته معلومه ده چه د پلار او زوی 
تر منځ هم همېشه اختلاف سته چه يوه طبعي حالت دي 
نو ملا دلته يو درز ويني او ځان په دې درزکښي ځاي کړي ٠ او هر وخت د پلا دحقوقو
بيان کوي ، نو د پلرونو پر زړه لکه ملحم داسي لګېږي ٠ 

که پيران د لولاک لما خلقت الافلاک  او ملا د علقمه بيانونه و نه کړي نو سياسي 
قدرت ئې د لاسه وزي ٠ 

او که ملا د اولاد د حقوقو بيان شروع کړي نو دخپل سياسي کور خرابئ 
په کښي ويني 
اوکه پير صاحب د لولاک لما خلقت الافلاک  بيان ونه کړي نو دئ هم  خپل سياسي 
کور خرابئ ويني ٠ 

د علقمه او لولاک دواړه سوره درواغ دي ، هو ! که څوک سند راته ښکاره کړي 
چه د نبي احاديث دي ، نو بيابه ئې ومنم ! چه حق ده پيره 
نوټ :-   علماء راسخ اوثابت  مي مطلب ندي ، يوازي علماء سُوء مي مطلب دي 
  په احترام