وطن پال او نور ګټور شعرونه
د يو ځوان شاعر ازاد نظم
Muhammad Hafeez
04.09.2006
خدايــــــــه زه نه پوهيږم = چه دا زه حـــــــــــــــق او که بــــــــاطل وگڼم
چه ئې پر ضد که ئې تر څنګ شمه زه = ايمـــــــان مــي نيم او که کامل وګڼم
----
زه خو پدې باندې باور لرمه = څوک چــــــــه پر خوا د حق ولاړ وي هميش
هغه منلي او ښاغلي وې تل = هغه ژونـــــــدي وي هميــش وياړ وې هميش
----
زمونږ هيواد کي گـــــــډوډي راغلي = تميـــز د سپـين او تور کيدلاي نشي
خلک حيران دي چه کـــوم لورونيسي= خپلو کي وران دي جوړيدلاي نشي
----
دا څـــو لســــيزي داسي تيري شولي = چه د انسان مو هر يو رنگ وليـــــدو
په مونږ هر څه راغلل تير شو په مونږ = خو مونږ د امن پر ځاي جنګ وليدو
----
څومـــــره ساده يو مونږ په تيرو باندي = پرون هيڅ نه پوهيدو نـــــــــن پوهيږو
چه کوم کي شر و مونږ ته خير کوم کي و=خو په خير او شر د وطن نه پوهيږو
----
هغـــــه چه نه پوهيږم نن پيښه ده = کيداي شي زه له دي سبـــــــــــــــــا خبر شم
څوک ئې صحيح او څوک غلط ئې ګڼي= زه وايم چه نن تري خامخا خبر شم
----
دا په باروتو سوزيـــــــدلي خاوره = غيږه کي ډير بــــــــــــــــــاروت تر ننه لري
چه ئې دوستان دښمنان دواړه ترينـــــــــــه = گټه ښکاره مطلب دننــــــه لري
----
دغه خپل ځان ته حق پرســــت وائې = پر ديـــــــــــــــن وطن چه ورکوي سرونه
دا چه دعوه لري چه تکه ســــــپين دي = په دغه لار نه سپــــــــــــــموي سرونه
----
دوي چه د ديــــــــــن او د وطــن دښمن ته = وي غوړولي يو لو جــــــــــال د بمو
خو دا ساده او مــــــــــسـلمان هيـوادوال = ځي ناخبره وي له حـــــــــــــال د بمو
----
ښځي ځوانان واړه سپين ږيري پکي = بي وختــــــــه مړه شي او را وپرزيږي
ټوټه ټوټه غوښي ئې وپاشــل شي = پورته اسمــــــــــــان ته شي راوغوزځيږي
----
چرته خو لا خبره ورانه ښکاري = خداي ته راغلي د خداي کور ته خلک
پخپلو وينو باندي ولمبـــــــــــــــوي = راستانه نه شي بيرته کور ته خلک
----
دلته مرګي دومره ارزانــــــه شولو = خون اخيستل دومره اسانه کار دي
ربه له دوي به هم پوښتـــــــنه کوي = که هر څو شوي له اسمانه کار دي
نـــــــو
خدايه زه نه پوهـــــــــــــــــــــــــــيږم = چه دا زه حــــــــــــــق او که باطل وگڼم
چه يې پر ضـــــد که ئې تر څنګ شمه زه = ايمان مي نيم که کامل وگڼم
عندليب
