سياست او روانې چارې

د حقاني د شبکې د کمزورې کیدو علتونه

میرویس
27.02.2014

ګرانو وطنوالو، سلامونه وړاندې کوم
د جنوی علاقو اوسیدونکي، د ورځنیو چارو ماهران او د سیمي مقامات وايي چې د حقاني د شبکې مړاندې سستې شویدي، د مخامخ جګړو توان یې د لاسه وتلئ، او اوس د ځان مرګي حملو او په لویو لارو کې د چاودونکو موادو د خښولو نه پرته یې نور څه د لاسه نه کیږي.

رپوټ چې د ذکر شوو منابعو په حواله لیکل شویدئ وايي، د حقاني د شبکې دتشدد پیښې بیخې کمې شویدي او حتې ددې توان هم نلري چې په سیمه کې د عام المنفعه لویو پروژو چې مخکې یې اجازه نه ورکوله، د عملي کیدو مخه ونیسي.

دغه منابع د حقاني د شبکې دکمزوري کیدو علتونه دوه ګڼي.
یو خو د بې پیلوټه الوتکو په ګذارونو کې د حقاني د شکې مهم کسان وژل شوی، او د افغان او خارجي قواوو په عملیاتو کې هم وژل شوي او نیول شویدي.

اوبل علت یې پخپله د حقاني د شبکې غیر ولسي اعمال لکه په غټه پیمانه د ولسي خلکو قتلونه، په عامه محضرونو کې چاودنې او د بارسوخه قومي مشرانو قتلول دي.

نتیجه داشوه چې له یوې خوا د حقاني د شبکې د غړو او قوماندانانو وژل کیدو او نیول کیدو دا شبکه کمزورې کړیده، او له بلې خوا ولس مخ ترې اړولئ دئ او نوريې څوک ملاتړ نه کوي.
په درناوی.