سياست او روانې چارې

دولس کسيزه وسله واله ډله وايې چې نور به جګړه نه کوي

اتل
21.11.2013

محترمو لوستونکو، السلام علیکم
د هرات په ولایت کې د طالبانو یوې دوولس کسیزې ډلې د جنګ نه لاس اخیستئ، او ویلي یې دې، لدې وروسته به په ملک کې د صلحې د ټینګولو په لاره کې مرسته کوي. دغسې ډلې یا افراد چې د جنګ نه لاس اخلي، نه یوازې داچي خیر یې ځان او دهغوی کورنیو ته رسیږي، او د مرګ د خطرنه دنورو مسلمانانو په بچ کیدو کې مرسته کوي، بلکه په ملک کې د خارجیانو د مداخلې امکانات کمیږي،او د امنیت په راتلو سره د ملک په آبادۍ کې امنیتې خنډونه له منځه ځي.
ټردې ټولو مهمه دا چې د جنګ نه لاس اخیستل او په سوله کې د ژوند اختیار کول د الله جل جلاله د رضا مندۍ سبب کیږي.
دا لاندې رپوټ خبریال خپور کړیدئ:
===
دولس کسيزه وسله واله ډله وايې چې نور به جګړه نه کوي
21 Nov 2013, 12:46
لیک غټ کړئ / لیک کوچنی کړئ
دهرات ولایت چارواکي وایې په دي ولایت کي یوي دولس کسیزي ډلي د دولت مخالفینو د جنګ جګړو څخه لاس واخیست او دسولي لاره یي غوره کړه.
یادو کسانو چې د ملا ګل اقا په مشري یې دهرات په انجیل ولسوالي کي دولت ضد کړني ترسره کولي له دي مخکي یې د سیمي امنیت ته ستر ګواښ اړولی و.
دهرات مرستیال والي اصیل الدین جامي دیادو کسانو د تسلیمدو پر مهال وویل چي ددي ډلي مخالفینو په تسلیمیدو سره به د انجیل ولسوالۍ په امنیتي وضعیت کې لا ډیر سمون رامنځ ته سي او همدا راز به دولت هم وکړای سي چې په سیمه کې د بیارغوني پروژي په اسانۍ او ډاډمنه امنیتي فضا کي پلي کړي.
جامي همدا راز د پاتي ډلو مخالفینو څخه هم غواړي ترڅو ژرتر ژره د سولي له بهیر سره یوځاى سي کنه د هرات امنیتي ځواکونه ددي توان لري چې ددوى پر وړاندي ودریږي او له منځه یې یوسي.
بل لور ته تسلیم سوي کسان چې یوشمیر سپکي او درني وسلي یې هم د سولي ولایتي کمیټي ته وسپارلي ډاډ یې څرګند کړ چې له دي وروسته به په ارامه فضا کې ژوند کوي ددولت او ملت د زوروني څخه به لاس اخلي.
په داسې حال کې په هرات کي یو ځل بیا د سولي له بهیر سره د دولت مخالفین یو ځای کیږي چې په دي وروستیو کې داسې اوازي اوریدل کیږي، چې دهرات په ګذري او پښتون زرغون ولسوالیو کي یو شمیر نوري ډلي د دولت سره د مخالفت په موخه غرونو ته پورته سوي دي.

خپرونکی: عبدالمنان ارغند@ددغه متن ټول حقوق دخبریال ډاټ کام دي ،دخبریال ویبپاڼې دبشپړ نوم دیادولو پرته څوک حق نه لري چې زموږ مواد کاپي کړي November 21, 2013.