نړيوال ښکيلاک او د لرو بر افغان دازادۍ غورځنګ

طالبان: ملا برادر د بند نه ندې آزاد شوئ

میرویس
09.10.2013

د فورم ګرانو ګډونوالو، السلام علیکم
دپاکستاني زندان نه د ملا برادر د خوشي کیدونه، د بسوګۍ واده جوړ شویدئ. بسوګۍ ودیږي، بسو ګۍ نه ودیږی، بسوګۍ به څه وخت ودیږي.
پاکستان په تحقیق وویل چې ملا برادر د بند نه آزادشوئ او کراچۍ ته بیول شوي. بیا یې وویل چې ملا برادر ته هغه تلفون او کمپیوټر بیرته ورکړل شي چې د توقیف کیدو په وخت کې ترې اخیستل شوي وو، ترڅو د خپلو ملګرو طالبانو سره تماسونه ټینګ کړي چې په افانستان کې د سولې په پروسه کې مرسته وکړي.
بیایې وویل چې هغه پيښور ته نقل شوي چې د افغاني طالبانو سره د سولې په مذاکرو کې په خپل رول خبرې وکړي.

اوس طالبان وایي چې ملا برادر لا هم بندي دئ. نه یې د خپلې کورنۍ سره تماس نیولئ او نه یې هم د سولې په هلو ځلو کې برخه اخیستې ده. د طالبانو نطاق وویل چې ملا برادر ناروغ دئ او په کاردي چې د انساني وجوهاتو پربنا آزاد شی.

سوال دادئ چې طالبان پر څه اساس دغه ډول ادعاوې کوي؟